====== Псалтирь. Псалом 10 ======

  - [[old:ps:010:01|В конец, псалом Давиду. На Господа уповах, како речете души моей: превитай по горам, яко птица?]] 
  - [[old:ps:010:02|Яко се, грешницы налякоша лук, уготоваша стрелы в туле, состреляти во мраце правыя сердцем. ]] 
  - [[old:ps:010:03|Зане яже Ты совершил еси, они разрушиша: праведник же что сотвори?]] 
  - [[old:ps:010:04|Господь во храме святем Своем. Господь, на небеси престол Его: очи Его на нищаго призираете, вежди Его испытаете сыны человеческия.]] 
  - [[old:ps:010:05|Господь испытает праведнаго и нечестиваго: любяй же неправду ненавидит свою душу.]] 
  - [[old:ps:010:06|Одождит на грешники сети: огнь и жупел, и дух бурен часть чаши их.]] 
  - [[old:ps:010:07|Яко праведен Господь и правды возлюби: правоты виде лице Его.]]