====== Псалтирь. Псалом 13 ======
  - [[old:ps:013:01|Рече безумен в сердцы своем: несть Бог. Растлеша и омерзишася в начинаниих: несть творяй благостыню.]] 
  - [[old:ps:013:02|Господь с небесе приниче на сыны человеческия, видети, аще есть разумеваяй, или взыскаяй Бога.]]
  - [[old:ps:013:03|Вси уклонишася, вкупе неключими быша: несть творяй благостыню, несть до единаго.]]
  - [[old:ps:013:04|Ни ли уразумеют вси делающии беззаконие, снедающии люди Моя в снедь хлеба? Господа не призваша.]]
  - [[old:ps:013:05|Тамо убояшася страха, идеже не бе страх: яко Господь в роде праведных.]]
  - [[old:ps:013:06|Совет нищаго посрамисте: Господь же упование его есть.]]
  - [[old:ps:013:07|Кто даст от Сиона спасение Израилево?]]
  - [[old:ps:013:08|Внегда возвратит Господь пленение людий своих, возрадуется Иаков, и возвеселится Израиль.]]