====== Псалтирь. Псалом 16 ======
  - [[old:ps:016:01|Молитва Давиду. Услыши, Господи, правду мою, вонми молению моему, внуши молитву мою не во устнах льстивых.]] 
  - [[old:ps:016:02|От лица Твоего судба моя изыдет: очи мои да видита правоты.]]
  - [[old:ps:016:03|Искусил еси сердце мое, посетил еси нощию: искусил мя еси, и не обретеся во мне неправда.]]
  - [[old:ps:016:04|Яко да не возглаголют уста моя дел человеческих, за словеса устен Твоих аз сохраних пути жестоки.]]
  - [[old:ps:016:05|Соверши стопы моя во стезях Твоих, да не подвижутся стопы моя.]]
  - [[old:ps:016:06|Аз воззвах, яко услышал мя еси, Боже: приклони ухо Твое мне и услыши глаголы моя.]]
  - [[old:ps:016:07|Удиви милости твоя, спасаяй уповающыя на Тя от противящихся деснице Твоей:]]
  - [[old:ps:016:08|сохрани мя, Господи, яко зеницу ока: в крове крилу Твоею покрыеши мя]]
  - [[old:ps:016:09|от лица нечестивых острастших мя: врази мои душу мою одержаша]]
  - [[old:ps:016:10|тук свой затвориша, уста их глаголаша гордыню.]]
  - [[old:ps:016:11|Изгонящии мя ныне обыдоша мя, очи свои возложиша уклонити на землю.]]
  - [[old:ps:016:12|Объяша мя яко лев готов на лов и яко скимен обитаяй в тайных.]]
  - [[old:ps:016:13|воскресни, Господи, предвари я и запни им: избави душу мою от нечестиваго, оружие Твое]]
  - [[old:ps:016:14|от враг руки Твоея, Господи, от малых от земли: раздели я в животе их, и сокровенных твоих исполнися чрево их: насытишася сынов, и оставиша останки младенцем своим.]]
  - [[old:ps:016:15|Аз же правдою явлюся лицу Твоему, насыщуся, внегда явитимися славе Твоей.]]