====== Псалтирь. Псалом 18 ======
  - [[old:ps:018:01|В конец, псалом Давиду.]]
  - [[old:ps:018:02|Небеса поведают славу Божию, творение же руку Его возвещает твердь.]]
  - [[old:ps:018:03|День дни отрыгает глагол, и нощь нощи возвещает разум.]]
  - [[old:ps:018:04|Не суть речи, ниже словеса, ихже не слышатся гласи их.]]
  - [[old:ps:018:05|Во всю землю изыде вещание их, и в концы вселенныя глаголы их: в солнце положи селение свое:]]
  - [[old:ps:018:06|и той яко жених исходяй от чертога своего, возрадуется яко исполин тещи путь.]]
  - [[old:ps:018:07|От края небесе исход его, и сретение его до края небесе: и несть, иже укрыется теплоты его.]]
  - [[old:ps:018:08|Закон Господень непорочен, обращаяй душы: свидетельство Господне верно, умудряющее младенцы.]]
  - [[old:ps:018:09|Оправдания Господня права, веселящая сердце: заповедь Господня светла, просвещающая очи.]]
  - [[old:ps:018:10|Страх Господень чист, пребываяй в век века: судьбы Господни истинны, оправданны вкупе,]]
  - [[old:ps:018:11|вожделенны паче злата и камене честна многа, и слаждшя паче меда и сота.]]
  - [[old:ps:018:12|Ибо раб Твой хранит я: внегда сохранити я, воздаяние много.]]
  - [[old:ps:018:13|Грехопадения кто разумеет? от тайных моих очисти мя,]]
  - [[old:ps:018:14|и от чуждих пощади раба Твоего: аще не обладают мною, тогда непорочен буду, и очищуся от греха велика.]]
  - [[old:ps:018:15|И будут во благоволение словеса уст моих, и поучение сердца моего пред Тобою выну, Господи, помощниче мой и избавителю мой.]]