====== Псалтирь. Псалом 21 ======
  - [[old:ps:021:01|В конец, о заступлении утреннем, псалом Давиду.]] 
  - [[old:ps:021:02|Боже, Боже мой, вонми ми, вскую оставил мя еси? далече от спасения моего словеса грехопадений моих.]]
  - [[old:ps:021:03|Боже мой, воззову во дни, и не услышиши, и в нощи, и не в безумие мне.]]
  - [[old:ps:021:04|Ты же во святем живеши, хвало Израилева.]]
  - [[old:ps:021:05|На Тя уповаша отцы наши: уповаша, и избавил еси я:]]
  - [[old:ps:021:06|к Тебе воззваша, и спасошася: на Тя уповаша, и не постыдешася.]]
  - [[old:ps:021:07|Аз же есмь червь, а не человек, поношение человеков и уничижение людей.]]
  - [[old:ps:021:08|Вси видящии мя поругашамися, глаголаша устнами, покиваша главою:]]
  - [[old:ps:021:09|упова на Господа, да избавит его, да спасет его, яко хощет его.]]
  - [[old:ps:021:10|Яко Ты еси исторгий мя из чрева, упование мое от сосцу матере моея.]]
  - [[old:ps:021:11|К Тебе привержен есмь от ложесн, от чрева матере моея Бог мой еси Ты.]] 
  - [[old:ps:021:12|Да не отступиши от мене, яко скорбь близ, яко несть помогаяй ми.]]
  - [[old:ps:021:13|Обыдоша мя телцы мнози, юнцы тучнии одержаша мя:]]
  - [[old:ps:021:14|отверзоша на мя уста своя, яко лев восхищаяй и рыкаяй.]]
  - [[old:ps:021:15|Яко вода излияхся, и разсыпашася вся кости моя: бысть сердце мое яко воск таяй посреде чрева моего.]]
  - [[old:ps:021:16|Изсше яко скудель крепость моя, и язык мой прильпе гортани моему, и в персть смерти свел мя еси.]]
  - [[old:ps:021:17|Яко обыдоша мя пси мнози, сонм лукавых одержаша мя: ископаша руце мои и нозе мои.]]
  - [[old:ps:021:18|Изчетоша вся кости моя: тии же смотриша и презреша мя.]]
  - [[old:ps:021:19|Разделиша ризы моя себе, и о одежди моей меташа жребий.]]
  - [[old:ps:021:20|Ты же, Господи, не удали помощь Твою от мене: на заступление мое вонми.]]
  - [[old:ps:021:21|Избави от оружия душу мою, и из руки песии единородную мою.]]
  - [[old:ps:021:22|спаси мя от уст львовых, и от рог единорожь смирение мое.]]
  - [[old:ps:021:23|Повем имя Твое братии моей, посреде Церкве воспою Тя.]]
  - [[old:ps:021:24|Боящиися Господа, восхвалите Его, все семя Иаковле, прославите Его, да убоится же от Него все семя Израилево:]]
  - [[old:ps:021:25|яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя.]]
  - [[old:ps:021:26|От Тебе похвала моя, в Церкви велицей исповемся Тебе: молитвы моя воздам пред боящимися Его.]]
  - [[old:ps:021:27|Ядят убозии, и насытятся, и восхвалят Господа взыскающии Его: жива будут сердца их в век века.]]
  - [[old:ps:021:28|Помянутся и обратятся ко Господу вси концы земли, и поклонятся пред Ним вся отечествия язык:]]
  - [[old:ps:021:29|яко Господне есть Царствие, и Той обладает языки.]]
  - [[old:ps:021:30|Ядоша и поклонишася вси тучнии земли: пред Ним припадут вси низходящии в землю: и душа моя Тому живет.]]
  - [[old:ps:021:31|И семя мое поработает Ему: возвестит Господеви род грядущий:]]
  - [[old:ps:021:32|И возвестят правду Его людем рождшымся, яже сотвори Господь.]]