====== Псалтирь. Псалом 24 ======

  -  [[old:ps:024:01|К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеют ми ся врази мои:]]
  -  [[old:ps:024:02|ибо вси терпящии Тя не постыдятся.]]
  -  [[old:ps:024:03|Да постыдятся беззаконнующии вотще.]]
  -  [[old:ps:024:04|Пути Твоя, Господи, скажи ми и стезям Твоим научи мя.]]
  -  [[old:ps:024:05|Настави мя на истину Твою и научи мя: яко Ты еси Бог Спас мой, и Тебе терпех весь день.]]
  -  [[old:ps:024:06|Помяни щедроты Твоя, Господи, и милости Твоя, яко от века суть.]]
  -  [[old:ps:024:07|Грех юности моея и неведения моего не помяни: по милости Твоей помяни мя Ты, ради благости Твоея, Господи.]]
  -  [[old:ps:024:08|Благ и прав Господь, сего ради законоположит согрешающым на пути.]]
  -  [[old:ps:024:09|Наставит кроткия на суд, научит кроткия путем своим.]]
  -  [[old:ps:024:10|Вси путие Господни милость и истина, взыскающым завета Его и свидения Его.]]
  -  [[old:ps:024:11|Ради имене Твоего, Господи, и очисти грех мой, мног бо есть.]]
  -  [[old:ps:024:12|Кто есть человек бояйся Господа? законоположит ему на пути, егоже изволи.]]
  -  [[old:ps:024:13|Душа его во благих водворится, и семя его наследит землю.]]
  -  [[old:ps:024:14|Держава Господь боящихся Его, и завет Его явит им.]]
  -  [[old:ps:024:15|Очи мои выну ко Господу, яко Той исторгнет от сети нозе мои.]]
  -  [[old:ps:024:16|Призри на мя и помилуй мя, яко единород и нищь есмь аз.]]
  -  [[old:ps:024:17|Скорби сердца моего умножишася, от нужд моих изведи мя.]]
  -  [[old:ps:024:18|Виждь смирение мое и труд мой, и остави вся грехи моя.]]
  -  [[old:ps:024:19|Виждь враги моя, яко умножишася, и ненавидением неправедным возненавидеша мя.]]
  -  [[old:ps:024:20|Сохрани душу мою и избави мя, да не постыжуся, яко уповах на Тя.]]
  -  [[old:ps:024:21|Незлобивии и правии прилепляхуся мне, яко потерпех Тя, Господи.]]
  -  [[old:ps:024:22|Избави, Боже, Израиля от всех скорбей его.]]