====== Псалтирь. Псалом 25 ======
  -  [[old:ps:025:01|Суди ми, Господи, яко аз незлобою моею ходих: и на Господа уповая не изнемогу.]] 
  -  [[old:ps:025:02|Искуси мя, Господи, и испытай мя, разжжи утробы моя и сердце мое.]] 
  -  [[old:ps:025:03|Яко милость Твоя пред очима моима есть, и благоугодих во истине Твоей.]]
  -  [[old:ps:025:04|Не седох с сонмом суетным, и со законопреступными не вниду.]]
  -  [[old:ps:025:05|Возненавидех церковь лукавнующих, и с нечестивыми не сяду.]]
  -  [[old:ps:025:06|Умыю в неповинных руце мои, и обыду жертвенник Твой, Господи,]]
  -  [[old:ps:025:07|еже услышати ми глас хвалы Твоея и поведати вся чудеса Твоя.]]
  -  [[old:ps:025:08|Господи, возлюбих благолепие дому Твоего и место селения славы Твоея.]]
  -  [[old:ps:025:09|Да не погубиши с нечестивыми душу мою и с мужи кровей живот мой,]]
  -  [[old:ps:025:10|ихже в руку беззакония, десница их исполнися мзды.]]
  -  [[old:ps:025:11|Аз же незлобою моею ходих: избави мя, Господи, и помилуй мя.]]
  -  [[old:ps:025:12|Нога моя ста на правоте: в церквах благословлю Тя, Господи.]]