====== Псалтирь. Псалом 30 ======
  -  [[old:ps:030:01|В конец, псалом Давиду, изступления.]] 
  -  [[old:ps:030:02|На Тя, Господи, уповах, да не постыжуся во век: правдою Твоею избави мя и изми мя.]]
  -  [[old:ps:030:03|Приклони ко мне ухо Твое, ускори изяти мя: буди ми в Бога защитителя и в дом прибежища, еже спасти мя.]]
  -  [[old:ps:030:04|Яко держава моя и прибежище мое еси Ты: и имене Твоего ради наставиши мя и препитаеши мя.]]
  -  [[old:ps:030:05|Изведеши мя от сети сея, юже скрыша ми: яко Ты еси защититель мой, Господи.]]
  -  [[old:ps:030:06|В руце Твои предложу дух мой: избавил мя еси, Господи Боже истины.]]
  -  [[old:ps:030:07|Возненавидел еси хранящыя суеты вотще: аз же на Господа уповах.]]
  -  [[old:ps:030:08|Возрадуюся и возвеселюся о милости Твоей, яко призрел еси на смирение мое, спасл еси от нужд душу мою]]
  -  [[old:ps:030:09|и неси мене затворил в руках вражиих, поставил еси на пространне нозе мои.]]
  -  [[old:ps:030:10|Помилуй мя, Господи, яко скорблю: смятеся яростию око мое, душа моя и утроба моя.]]
  -  [[old:ps:030:11|Яко изчезе в болезни живот мой, и лета моя в воздыханиих: изнеможе нищетою крепость моя, и кости моя смятошася.]]
  -  [[old:ps:030:12|От всех враг моих бых поношение, и соседом моим зело, и страх знаемым моим: видящии мя вон бежаша от мене.]]
  -  [[old:ps:030:13|Забвен бых яко мертв от сердца: бых яко сосуд погублен.]]
  -  [[old:ps:030:14|Яко слышах гаждение многих живущих окрест: внегда собратися им вкупе на мя, прияти душу мою совещаша.]]
  -  [[old:ps:030:15|Аз же на Тя, Господи, уповах, рех: Ты еси Бог мой.]]
  -  [[old:ps:030:16|В руку Твоею жребии мои: избави мя из руки враг моих и от гонящих мя.]]
  -  [[old:ps:030:17|Просвети лице Твое на раба Твоего: спаси мя милостию Твоею.]]
  -  [[old:ps:030:18|Господи, да не постыжуся, яко призвах Тя: да постыдятся нечестивии, и снидут во ад.]]
  -  [[old:ps:030:19|Немы да будут устны льстивыя, глаголющыя на праведнаго беззаконие, гордынею и уничижением. ]]
  -  [[old:ps:030:20|Коль многое множество благости Твоея, Господи, юже скрыл еси боящымся Тебе, соделал еси уповающым на Тя, пред сыны человеческими:]]
  -  [[old:ps:030:21|скрыеши их в тайне лица Твоего от мятежа человеческа, покрыеши их в крове от пререкания язык. ]]
  -  [[old:ps:030:22|Благословен Господь, яко удиви милость Свою во граде ограждения.]]
  -  [[old:ps:030:23|Аз же рех во изступлении моем: отвержен есмь от лица очию Твоею: сего ради услышал еси глас молитвы моея, внегда воззвах к Тебе.]]
  -  [[old:ps:030:24|Возлюбите Господа, вси преподобнии Его: яко истины взыскает Господь и воздает излише творящым гордыню.]]
  -  [[old:ps:030:25|Мужайтеся, и да крепится сердце ваше, вси уповающии на Господа.]]