====== Псалтирь. Псалом 31 ======

  - [[old:ps:031:01|Блажени, ихже оставишася беззакония, и ихже прикрышася греси.]]
  -  [[old:ps:031:02|Блажен муж, емуже не вменит Господь греха, ниже есть во устех его лесть.]]
  -  [[old:ps:031:03|Яко умолчах, обетшаша кости моя, от еже звати ми весь день,]]
  -  [[old:ps:031:04|яко день и нощь отяготе на мне рука Твоя: возвратихся на страсть, егда унзе ми терн.]]
  -  [[old:ps:031:05|Беззаконие мое познах и греха моего не покрых, рех: исповем на мя беззаконие мое Господеви: и Ты оставил еси нечестие сердца моего.]]
  -  [[old:ps:031:06|За то помолится к Тебе всяк преподобный во время благопотребно: обаче в потопе вод многих к нему не приближатся.]]
  -  [[old:ps:031:07|Ты еси прибежище мое от скорби обдержащия мя: радосте моя, избави мя от обышедших мя.]]
  -  [[old:ps:031:08|Вразумлю тя, и наставлю тя на путь сей, в оньже пойдеши: утвержу на тя очи Мои.]]
  -  [[old:ps:031:09|Не будите яко конь и меск, имже несть разума: броздами и уздою челюсти их востягнеши, не приближающихся к тебе.]]
  -  [[old:ps:031:10|Многи раны грешному: уповающаго же на Господа милость обыдет.]]
  -  [[old:ps:031:11|Веселитеся о Господе и радуйтеся праведнии, и хвалитеся, вси правии сердцем.]]