====== Псалтирь. Псалом 34 ======
  - [[old:ps:034:01|Суди, Господи, обидящыя мя, побори борющыя мя.]] 
  -  [[old:ps:034:02|Приими оружие и щит и востани в помощь мою:]]
  -  [[old:ps:034:03|изсуни мечь и заключи сопротив гонящих мя: рцы души моей: спасение Твое есмь Аз.]]
  -  [[old:ps:034:04|Да постыдятся и посрамятся ищущии душу мою, да возвратятся вспять и постыдятся мыслящии ми злая.]]
  -  [[old:ps:034:05|Да будут яко прах пред лицем ветра, и ангел Господень оскорбляя их: ]]
  -  [[old:ps:034:06|да будет путь их тма и ползок, и ангел Господень погоняяй их: ]]
  -  [[old:ps:034:07|яко туне скрыша ми пагубу сети своея, всуе поносиша души моей.]]
  -  [[old:ps:034:08|Да приидет ему сеть, юже не весть, и ловитва, юже скры, да обымет и, и в сеть да впадет в ню.]]
  -  [[old:ps:034:09|Душа же моя возрадуется о Господе, возвеселится о спасении Его.]]
  -  [[old:ps:034:10|Вся кости моя рекут: Господи, Господи, кто подобен Тебе? избавляяй нища из руки крепльших Его, и нища, и убога от расхищающих Его.]]
  -  [[old:ps:034:11|Воставше на мя свидетеле неправеднии, яже не ведях, вопрошаху мя.]]
  -  [[old:ps:034:12|Воздаша ми лукавая воз благая, и безчадие души моей.]]
  -  [[old:ps:034:13|Аз же, внегда они стужаху ми, облачахся во вретище и смирях постом душу мою, и молитва моя в недро мое возвратится.]]
  -  [[old:ps:034:14|Яко ближнему, яко брату нашему, тако угождах: яко плача и сетуя, тако смиряхся.]]
  -  [[old:ps:034:15|И на мя возвеселишася и собрашася: собрашася на мя раны, и не познах: разделишася, и не умилишася.]]
  -  [[old:ps:034:16|Искусиша мя, подражниша мя подражнением, поскрежеташа на мя зубы своими.]]
  -  [[old:ps:034:17|Господи, когда узриши? Устрой душу мою от злодейства их, от лев единородную мою.]]
  -  [[old:ps:034:18|Исповемся Тебе в Церкви мнозе, в людех тяжцех восхвалю Тя.]]
  -  [[old:ps:034:19|Да не возрадуются о мне враждующии ми неправедно, ненавидящии мя туне и помизающии очима: ]]
  -  [[old:ps:034:20|яко мне убо мирная глаголаху, и на гнев лести помышляху. ]]
  -  [[old:ps:034:21|Разшириша на мя уста своя, реша: благоже, благоже, видеша очи наши.]]
  -  [[old:ps:034:22|Видел еси, Господи, да не премолчиши: Господи, не отступи от мене.]]
  -  [[old:ps:034:23|Востани, Господи, и вонми суду моему, Боже мой и Господи мой, на прю мою.]]
  -  [[old:ps:034:24|Суди ми, Господи, по правде Твоей, Господи Боже мой, и да не возрадуются о мне.]]
  -  [[old:ps:034:25|Да не рекут в сердцах своих: благоже, благоже души нашей: ниже да рекут: пожрохом его.]]
  -  [[old:ps:034:26|Да постыдятся и посрамятся вкупе радующиися злом моим: да облекутся в студ и срам велеречующии на мя.]]
  -  [[old:ps:034:27|Да возрадуются и возвеселятся хотящии правды моея: и да рекут выну, да возвеличится Господь, хотящии мира рабу Его.]]
  -  [[old:ps:034:28|И язык мой поучится правде Твоей, весь день хвале Твоей.]]