====== Псалтирь. Псалом 35 ======
   - [[old:ps:035:01|В конец, отроку Господню Давиду.]] 
  -  [[old:ps:035:02|Глаголет пребеззаконный согрешати в себе: несть страха Божия пред очима его:]]
  -  [[old:ps:035:03|яко ульсти пред ним обрести беззаконие свое, и возненавидети.]]
  -  [[old:ps:035:04|Глаголы уст его беззаконие и лесть: не восхоте разумети еже ублажити.]]
  -  [[old:ps:035:05|Беззаконие помысли на ложи своем: предста всякому пути неблагу, о злобе же не негодова.]]
  -  [[old:ps:035:06|Господи, на небеси милость Твоя, и истина Твоя до облак:]]
  -  [[old:ps:035:07|правда Твоя яко горы Божия, судьбы Твоя бездна многа: человеки и скоты спасеши, Господи.]]
  -  [[old:ps:035:08|Яко умножил еси милость Твою, Боже: сынове же человечестии в крове крилу Твоею надеятися имут.]]
  -  [[old:ps:035:09|Упиются от тука дому Твоего, и потоком сладости Твоея напоиши я.]]
  -  [[old:ps:035:10|Яко у тебе источник живота, во свете Твоем узрим свет.]]
  -  [[old:ps:035:11|Пробави милость Твою ведущим Тя и правду Твою правым сердцем.]]
  -  [[old:ps:035:12|Да не приидет мне нога гордыни, и рука грешнича да не подвижит мене.]]
  -  [[old:ps:035:13|Тамо падоша вси делающии беззаконие: изриновени быша, и не возмогут стати.]]