====== Псалтирь. Псалом 39 ======
  - [[old:ps:039:01|В конец, псалом Давиду.]] 
  -  [[old:ps:039:02|Терпя потерпех Господа, и внят ми и услыша молитву мою:]]
  -  [[old:ps:039:03|и возведе мя от рова страстей и от брения тины, и постави на камени нозе мои и исправи стопы моя:]]
  -  [[old:ps:039:04|и вложи во уста моя песнь нову, пение Богу нашему. Узрят мнози и убоятся, и уповают на Господа.]]
  -  [[old:ps:039:05|Блажен муж, емуже есть имя Господне упование его, и не призре в суеты и неистовления ложная.]]
  -  [[old:ps:039:06|Многа сотворил еси Ты, Господи Боже мой, чудеса Твоя, и помышлением Твоим несть кто уподобится Тебе: возвестих и глаголах: умножишася паче числа.]]
  -  [[old:ps:039:07|Жертвы и приношения не восхотел еси, тело же свершил ми еси: всесожжений и о гресе не взыскал еси.]]
  -  [[old:ps:039:08|Тогда рех: се, прииду: в главизне книжне писано есть о мне:]]
  -  [[old:ps:039:09|еже сотворити волю Твою, Боже мой, восхотех, и закон Твой посреде чрева моего.]]
  -  [[old:ps:039:10|Благовестих правду в Церкви велицей, се, устнам моим не возбраню: Господи, Ты разумел еси.]]
  -  [[old:ps:039:11|Правду Твою не скрых в сердцы моем, истину Твою и спасение Твое рех, не скрых милость Твою и истину Твою от сонма многа. ]]
  -  [[old:ps:039:12|Ты же, Господи, не удали щедрот Твоих от мене: милость Твоя и истина Твоя выну да заступите мя. ]]
  -  [[old:ps:039:13|Яко одержаша мя злая, имже несть числа: постигоша мя беззакония моя, и не возмогох зрети: умножишася паче влас главы моея, и сердце мое остави мя.]]
  -  [[old:ps:039:14|Благоволи, Господи, избавити мя: Господи, во еже помощи ми, вонми.]]
  -  [[old:ps:039:15|Да постыдятся и посрамятся вкупе ищущии душу мою, изяти ю: да возвратятся вспять и постыдятся хотящии ми злая.]]
  -  [[old:ps:039:16|Да приимут абие студ свой глаголющии ми: благоже, благоже. ]]
  -  [[old:ps:039:17|Да возрадуются и возвеселятся о Тебе вси ищущии Тебе, Господи, и да рекут выну, да возвеличится Господь, любящии спасение Твое.]]
  -  [[old:ps:039:18|Аз же нищь есмь и убог, Господь попечется о мне: помощник мой и защититель мой еси Ты, Боже мой, не закосни.]]