====== Псалтирь. Псалом 41 ======
   - [[old:ps:041:01|В конец, в разум сынов кореовых, псалом Давиду.]] 
  -  [[old:ps:041:02|Имже образом желает елень на источники водныя, сице желает душа моя к Тебе, Боже.]]
  -  [[old:ps:041:03|Возжада душа моя к Богу крепкому, живому: когда прииду и явлюся лицу Божию?]]
  -  [[old:ps:041:04|Быша слезы моя мне хлеб день и нощь, внегда глаголатися мне на всяк день: где есть Бог твой?]]
  -  [[old:ps:041:05|Сия помянух, и излиях на мя душу мою: яко пройду в место селения дивна, даже до дому Божия, во гласе радования и исповедания, шума празднующаго.]]
  -  [[old:ps:041:06|Вскую прискорбна еси, душе моя? и вскую смущаеши мя? уповай на Бога, яко исповемся Ему, спасение лица моего и Бог мой. ]]
  -  [[old:ps:041:07|Ко мне самому душа моя смятеся: сего ради помянух Тя от земли Иордански и Ермониимски, от горы малыя.]]
  -  [[old:ps:041:08|Бездна бездну призывает во гласе хлябий Твоих: вся высоты Твоя и волны Твоя на мне преидоша.]]
  -  [[old:ps:041:09|В день заповесть Господь милость Свою, и нощию песнь его от мене, молитва Богу живота моего.]]
  -  [[old:ps:041:10|Реку Богу: заступник мой еси, почто мя забыл еси? и вскую сетуя хожду, внегда оскорбляет враг?]]
  -  [[old:ps:041:11|Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой?]]
  -  [[old:ps:041:12|Вскую прискорбна еси, душе моя? и вскую смущаеши мя? уповай на Бога, яко исповемся Ему, спасение лица моего и Бог мой.]]