====== Псалтирь. Псалом 54 ======
  - [[old:ps:054:01|В конец, в песнех разума, Асафу, псалом.]] 
  -  [[old:ps:054:02|Внуши, Боже, молитву мою и не презри моления моего:]]
  -  [[old:ps:054:03|вонми ми и услыши мя: возскорбех печалию моею, и смятохся]]
  -  [[old:ps:054:04|от гласа вражия и от стужения грешнича: яко уклониша на мя беззаконие и во гневе враждоваху ми.]]
  -  [[old:ps:054:05|Сердце мое смятеся во мне, и боязнь смерти нападе на мя:]]
  -  [[old:ps:054:06|страх и трепет прииде на мя, и покры мя тма.]]
  -  [[old:ps:054:07|И рех: кто даст ми криле яко голубине? и полещу, и почию.]]
  -  [[old:ps:054:08|Се, удалихся бегая и водворихся в пустыни.]]
  -  [[old:ps:054:09|Чаях Бога спасающаго мя от малодушия и от бури.]]
  -  [[old:ps:054:10|Потопи, Господи, и раздели языки их: яко видех беззаконие и пререкание во граде.]]
  -  [[old:ps:054:11|Днем и нощию обыдет и по стенам его: беззаконие и труд посреде его, и неправда:]]
  -  [[old:ps:054:12|и не оскуде от стогн его лихва и лесть.]]
  -  [[old:ps:054:13|Яко аще бы враг поносил ми, претерпел бых убо: и аще бы ненавидяй мя на мя велеречевал, укрылбыхся от него.]]
  -  [[old:ps:054:14|Ты же, человече равнодушне, владыко мой и знаемый мой,]]
  -  [[old:ps:054:15|иже купно наслаждался еси со мною брашен: в дому Божии ходихом единомышлением.]]
  -  [[old:ps:054:16|Да приидет же смерть на ня, и да снидут во ад живи: яко лукавство в жилищих их, посреде их.]]
  -  [[old:ps:054:17|Аз к Богу воззвах, и Господь услыша мя.]]
  -  [[old:ps:054:18|Вечер и заутра и полудне повем и возвещу, и услышит глас мой.]]
  -  [[old:ps:054:19|Избавит миром душу мою от приближающихся мне: яко во мнозе бяху со мною.]]
  -  [[old:ps:054:20|Услышит Бог, и смирит я сый прежде век: несть бо им изменения, яко не убояшася Бога.]]
  -  [[old:ps:054:21|Простре руку свою на воздаяние: оскверниша завет его.]]
  -  [[old:ps:054:22|Разделишася от гнева лица его, и приближишася сердца их: умякнуша словеса их паче елеа, и та суть стрелы.]]
  -  [[old:ps:054:23|Возверзи на Господа печаль твою, и Той тя препитает: не даст в век молвы праведнику.]]
  -  [[old:ps:054:24|Ты же, Боже, низведеши их в студенец истления: мужие кровей и льсти не преполовят дний своих. Аз же, Господи, уповаю на Тя.]]