====== Псалтирь. Псалом 58 ======
  - [[old:ps:058:01|В конец, да не растлиши, Давиду в столпописание, внегда посла Саул и стреже дом его, еже умертвити его.]] 
  -  [[old:ps:058:02|Изми мя от враг моих, Боже, и от востающих на мя избави мя:]]
  -  [[old:ps:058:03|избави мя от делающих беззаконие, и от муж кровей спаси мя.]]
  -  [[old:ps:058:04|Яко се, уловиша душу мою, нападоша на мя крепцыи: ниже беззаконие мое, ниже грех мой, Господи:]]
  -  [[old:ps:058:05|без беззакония текох и исправих: востани в сретение мое и виждь.]]
  -  [[old:ps:058:06|И Ты, Господи Боже сил, Боже Израилев, вонми посетити вся языки: да не ущедриши вся делающыя беззаконие.]]
  -  [[old:ps:058:07|Возвратятся на вечер, и взалчут яко пес, и обыдут град.]]
  -  [[old:ps:058:08|Се, тии отвещают усты своими, и мечь во устнах их: яко кто слыша?]]
  -  [[old:ps:058:09|И Ты, Господи, посмеешися им, уничижиши вся языки.]]
  -  [[old:ps:058:10|Державу мою к Тебе сохраню: яко Ты, Боже, заступник мой еси.]]
  -  [[old:ps:058:11|Бог мой, милость Его предварит мя: Бог мой, явит мне на вразех моих.]]
  -  [[old:ps:058:12|Не убий их, да не когда забудут закон Твой: расточи я силою Твоею и низведи я, защитниче мой, Господи,]]
  -  [[old:ps:058:13|Грех уст их, слово устен их: и яти да будут в гордыни своей, и от клятвы и лжи возвестятся в кончине,]]
  -  [[old:ps:058:14|во гневе кончины, и не будут: и уведят, яко Бог владычествует Иаковом и концы земли.]]
  -  [[old:ps:058:15|Возвратятся на вечер, и взалчут яко пес, и обыдут град:]]
  -  [[old:ps:058:16|тии разыдутся ясти: аще ли же не насытятся, и поропщут.]]
  -  [[old:ps:058:17|Аз же воспою силу Твою и возрадуюся заутра о милости Твоей: яко был еси заступник мой и прибежище мое в день скорби моея.]]
  -  [[old:ps:058:18|Помощник мой еси, Тебе пою: яко Бог заступник мой еси, Боже мой, милость моя.]]