====== Псалтирь. Псалом 62 ======
  - [[old:ps:062:01|Псалом Давиду, внегда быти ему в пустыни Иудейстей.]] 
  -  [[old:ps:062:02|Боже, Боже мой, к Тебе утренюю: возжада Тебе душа моя, коль множицею Тебе плоть моя, в земли пусте и непроходне и безводне.]]
  -  [[old:ps:062:03|Тако во святем явихся Тебе, видети силу Твою и славу Твою.]]
  -  [[old:ps:062:04|Яко лучши милость Твоя паче живот: устне мои похвалите Тя.]]
  -  [[old:ps:062:05|Тако благословлю Тя в животе моем и о имени Твоем воздежу руце мои.]]
  -  [[old:ps:062:06|Яко от тука и масти да исполнится душа моя, и устнама радости восхвалят Тя уста моя.]]
  -  [[old:ps:062:07|Аще поминах Тя на постели моей, на утренних поучахся в Тя:]]
  -  [[old:ps:062:08|яко был еси помощник мой, и в крове крилу Твоею возрадуюся.]]
  -  [[old:ps:062:09|Прильпе душа моя по Тебе: мене же прият десница Твоя.]]
  -  [[old:ps:062:10|Тии же всуе искаша душу мою: внидут в преисподняя земли:]]
  -  [[old:ps:062:11|предадятся в руки оружия, части лисовом будут.]]
  -  [[old:ps:062:12|Царь же возвеселится о Бозе: похвалится всяк кленыйся Им, яко заградишася уста глаголющих неправедная.]]