====== Псалтирь. Псалом 63 ======
  - [[old:ps:063:01|В конец, псалом Давиду.]] 
  -  [[old:ps:063:02|Услыши, Боже, глас мой, внегда молитимися к Тебе: от страха вражия изми душу мою.]]
  -  [[old:ps:063:03|Покрый мя от сонма лукавнующих, от множества делающих неправду:]]
  -  [[old:ps:063:04|иже изостриша яко мечь языки своя, напрягоша лук свой, вещь горьку,]]
  -  [[old:ps:063:05|состреляти в тайных непорочна: внезапу состреляют его, и не убоятся.]]
  -  [[old:ps:063:06|Утвердиша себе слово лукавое: поведаша скрыти сеть, реша: кто узрит их?]]
  -  [[old:ps:063:07|Испыташа беззаконие: изчезоша испытающии испытания: приступит человек, и сердце глубоко.]]
  -  [[old:ps:063:08|И вознесется Бог: стрелы младенец быша язвы их,]]
  -  [[old:ps:063:09|и изнемогоша на ня языцы их: смутишася вси видящии их.]]
  -  [[old:ps:063:10|И убояся всяк человек: и возвестиша дела Божия, и творения Его разумеша.]]
  -  [[old:ps:063:11|Возвеселится праведник о Господе и уповает на Него: и похвалятся вси правии сердцем.]]