====== Псалтирь. Псалом 65 ======
   - [[old:ps:065:01|В конец, песнь псалма воскресения.]] 
  -  [[old:ps:065:02|Воскликните Господеви вся земля, пойте же имени Его, дадите славу хвале Его.]]
  -  [[old:ps:065:03|Рцыте Богу: коль страшна дела Твоя? во множестве силы Твоея солжут Тебе врази Твои.]]
  -  [[old:ps:065:04|Вся земля да поклонится Тебе и поет Тебе, да поет же имени Твоему, Вышний.]]
  -  [[old:ps:065:05|Приидите и видите дела Божия, коль страшен в советех паче сынов человеческих.]]
  -  [[old:ps:065:06|Обращаяй море в сушу, в реце пройдут ногами: тамо возвеселимся о Нем,]]
  -  [[old:ps:065:07|владычествующем силою своею веком: очи его на языки призираете: преогорчевающии да не возносятся в себе.]]
  -  [[old:ps:065:08|Благословите, языцы, Бога нашего, и услышан сотворите глас хвалы Его,]]
  -  [[old:ps:065:09|положшаго душу мою в живот, и не давшаго во смятение ног моих.]]
  -  [[old:ps:065:10|Яко искусил ны еси, Боже, разжегл ны еси, якоже разжизается сребро.]] 
  -  [[old:ps:065:11|Ввел ны еси в сеть, положил еси скорби на хребте нашем.]]
  -  [[old:ps:065:12|Возвел еси человеки на главы нашя: проидохом сквозе огнь и воду, и извел еси ны в покой.]]
  -  [[old:ps:065:13|Вниду в дом Твой со всесожжением, воздам Тебе молитвы моя,]]
  -  [[old:ps:065:14|яже изрекосте устне мои, и глаголаша уста моя в скорби моей.]]
  -  [[old:ps:065:15|Всесожжения тучна вознесу Тебе с кадилом, и овны, вознесу Тебе волы с козлы.]]
  -  [[old:ps:065:16|Приидите, услышите, и повем вам, вси боящиися Бога, елика сотвори души моей.]]
  -  [[old:ps:065:17|К Нему усты моими воззвах, и вознесох под языком моим.]]
  -  [[old:ps:065:18|Неправду аще узрех в сердцы моем, да не услышит мене Господь.]]
  -  [[old:ps:065:19|Сего ради услыша мя Бог, внят гласу моления моего.]]
  -  [[old:ps:065:20|Благословен Бог, иже не отстави молитву мою и милость Свою от мене.]]