====== Псалтирь. Псалом 72 ======
  - [[old:ps:072:01|Коль благ Бог Израилев правым сердцем.]] 
  -  [[old:ps:072:02|Мои же вмале не подвижастеся нозе: вмале не пролияшася стопы моя]]: 
  -  [[old:ps:072:03|яко возревновах на беззаконныя, мир грешников зря:]] 
  -  [[old:ps:072:04|яко несть восклонения в смерти их и утверждения в ране их:]] 
  -  [[old:ps:072:05|в трудех человеческих не суть, и с человеки не приимут ран.]] 
  -  [[old:ps:072:06|Сего ради удержа я гордыня их до конца: одеяшася неправдою и нечестием своим.]] 
  -  [[old:ps:072:07|Изыдет яко из тука неправда их: преидоша в любовь сердца.]] 
  -  [[old:ps:072:08|Помыслиша и глаголаша в лукавстве, неправду в высоту глаголаша:]] 
  - [[old:ps:072:09| положиша на небеси уста своя, и язык их прейде по земли.]] 
  -  [[old:ps:072:10|Сего ради обратятся людие мои семо, и дние исполнени обрящутся в них.]] 
  -  [[old:ps:072:11|И реша: како уведе Бог? и аще есть разум в вышнем?]] 
  -  [[old:ps:072:12|Се, сии грешницы и гобзующии в век удержаша богатство.]] 
  -  [[old:ps:072:13|И рех: еда всуе оправдих сердце мое и умых в неповинных руце мои,]] 
  - [[old:ps:072:14|и бых язвен весь день, и обличение мое на утрених?]] 
  -  [[old:ps:072:15|Аще глаголах, повем тако: се, роду сынов Твоих, емуже обещахся:]] 
  - [[old:ps:072:16| и непщевах разумети: сие труд есть предо мною,]] 
  -  [[old:ps:072:17|дондеже вниду во святило Божие и разумею в последняя их.]] 
  -  [[old:ps:072:18|Обаче за льщения их положил еси им злая, низложил еси я, внегда разгордешася.]] 
  -  [[old:ps:072:19|Како быша в запустение? внезапу изчезоша, погибоша за беззаконие свое.]] 
  -  [[old:ps:072:20|Яко соние востающаго, Господи, во граде Твоем образ их уничижиши.]] 
  -  [[old:ps:072:21|Яко разжжеся сердце мое, и утробы моя изменишася:]] 
  -  [[old:ps:072:22|и аз уничижен, и не разумех, скотен бых у Тебе.]] 
  -  [[old:ps:072:23|И аз выну с Тобою: удержал еси руку десную мою,]] 
  -  [[old:ps:072:24|и советом Твоим наставил мя еси, и со славою приял мя еси.]] 
  - [[old:ps:072:25| Что бо ми есть на небеси? и от Тебе что восхотех на земли?]] 
  -  [[old:ps:072:26|Изчезе сердце мое и плоть моя, Боже сердца моего, и часть моя, Боже, во век.]] 
  -  [[old:ps:072:27|Яко се, удаляющии себе от Тебе погибнут: потребил еси всякаго любодеющаго от Тебе.]] 
  -  [[old:ps:072:28|Мне же прилеплятися Богови благо есть, полагати на Господа упование мое, возвестити ми вся хвалы Твоя, во вратех дщере Сиони.]]