====== Псалтирь. Псалом 73 ======
  - [[old:ps:073:01| Вскую, Боже, отринул еси до конца? разгневася ярость Твоя на овцы пажити Твоея?]]
  -  [[old:ps:073:02|Помяни сонм Твой, егоже стяжал еси исперва, избавил еси жезлом достояния Твоего, гора Сион сия, в нейже вселился еси.]]
  -  [[old:ps:073:03|Воздвигни руце Твои на гордыни их в конец, елика лукавнова враг во святем Твоем.]]
  - [[old:ps:073:04| И восхвалишася ненавидящии Тя посреде праздника Твоего: положиша знамения своя знамения, и не познаша.]]
  -  [[old:ps:073:05|яко во исходе превыше: яко в дубраве древяне секирами разсекоша]] 
  -  [[old:ps:073:06|двери его вкупе, сечивом и оскордом разрушиша и.]] 
  -  [[old:ps:073:07|Возжгоша огнем святило Твое: на земли оскверниша жилище имене Твоего.]]
  -  [[old:ps:073:08|Реша в сердцы своем южики их вкупе: приидите, и отставим вся праздники Божия от земли.]]
  - [[old:ps:073:09| Знамения их не видехом: несть ктому пророка, и нас не познает ктому.]]
  -  [[old:ps:073:10|Доколе, Боже, поносит враг? раздражит противный имя Твое до конца?]]
  -  [[old:ps:073:11|Вскую отвращаеши руку Твою и десницу Твою от среды недра Твоего в конец?]]
  - [[old:ps:073:12| Бог же, Царь наш, прежде века содела спасение посреде земли.]]
  -  [[old:ps:073:13|Ты утвердил еси силою Твоею море: Ты стерл еси главы змиев в воде:]] 
  - [[old:ps:073:14| Ты сокрушил еси главу змиеву, дал еси того брашно людем ефиопским.]]
  -  [[old:ps:073:15|Ты расторгл еси источники и потоки: Ты изсушил еси реки ифамския.]] 
  -  [[old:ps:073:16|Твой есть день, и Твоя есть нощь: Ты совершил еси зарю и солнце.]] 
  -  [[old:ps:073:17|Ты сотворил еси вся пределы земли: жатву и весну Ты создал еси я.]]
  -  [[old:ps:073:18|Помяни сия: враг поноси Господеви, и людие безумнии раздражиша имя Твое.]]
  -  [[old:ps:073:19|Не предаждь зверем душу исповедающуюся Тебе: душ убогих Твоих не забуди до конца.]]
  -  [[old:ps:073:20|Призри на завет Твой: яко исполнишася помраченнии земли домов беззаконий.]]
  -  [[old:ps:073:21|Да не возвратится смиренный посрамлен: нищь и убог восхвалита имя Твое.]]
  -  [[old:ps:073:22|Востани, Боже, суди прю Твою: помяни поношение Твое, еже от безумнаго весь день.]]
  -  [[old:ps:073:23|Не забуди гласа молитвенник Твоих: гордыня ненавидящих Тя взыде выну.]]