====== Псалтирь. Псалом 75 ======
  - [[old:ps:075:01|В конец, в песнех, псалом Асафу, песнь ко Ассирианину.]] 
  - [[old:ps:075:02| Ведом во Иудеи Бог: во Израили велие имя Его.]] 
  - [[old:ps:075:03| И бысть в мире место Его, и жилище Его в Сионе.]] 
  - [[old:ps:075:04| Тамо сокруши крепости луков, оружие и мечь и брань.]] 
  - [[old:ps:075:05| Просвещаеши Ты дивно от гор вечных.]] 
  -  [[old:ps:075:06|Смятошася вси неразумнии сердцем: уснуша сном своим, и ничтоже обретоша вси мужие богатства в руках своих.]] 
  - [[old:ps:075:07| От запрещения Твоего, Боже Иаковль, воздремаша вседшии на кони.]] 
  -  [[old:ps:075:08|Ты страшен еси, и кто противостанет Тебе? оттоле гнев Твой.]] 
  - [[old:ps:075:09| С небесе слышан сотворил еси суд: земля убояся и умолча,]] 
  - [[old:ps:075:10| внегда востати на суд Богу, спасти вся кроткия земли.]] 
  -  [[old:ps:075:11|Яко помышление человеческое исповестся Тебе, и останок помышления празднует Ти.]]
  -  [[old:ps:075:12|Помолитеся и воздадите Господеви Богу нашему: вси, иже окрест Его, принесут дары]]
  - [[old:ps:075:13| страшному и отемлющему духи князей, страшному паче царей земных.]]