====== Псалтирь. Псалом 76 ======
  - [[old:ps:076:01|В конец, о Идифуме, псалом Асафу.]]
  - [[old:ps:076:02| Гласом моим ко Господу воззвах, гласом моим к Богу, и внят ми.]]
  - [[old:ps:076:03| В день скорби моея Бога взысках рукама моима, нощию пред Ним, и не прельщен бых: отвержеся утешитися душа моя.]]
  - [[old:ps:076:04| Помянух Бога и возвеселихся, поглумляхся, и малодушствоваше дух мой.]]
  - [[old:ps:076:05| Предваристе стражбы очи мои: смятохся и не глаголах.]]
  - [[old:ps:076:06| Помыслих дни первыя, и лета вечная помянух, и поучахся:]]
  - [[old:ps:076:07| нощию сердцем моим глумляхся, и тужаше дух мой:]]
  - [[old:ps:076:08| еда во веки отринет Господь и не приложит благоволити паки?]]
  -  [[old:ps:076:09|или до конца милость Свою отсечет, сконча глагол от рода в род?]]
  - [[old:ps:076:10| еда забудет ущедрити Бог? или удержит во гневе Своем щедроты Своя?]]
  -  [[old:ps:076:11|И рех: ныне начах, сия измена десницы Вышняго.]]
  -  [[old:ps:076:12|Помянух дела Господня: яко помяну от начала чудеса Твоя,]]
  -  [[old:ps:076:13|и поучуся во всех делех Твоих, и в начинаниих Твоих поглумлюся.]]
  -  [[old:ps:076:14|Боже, во святем путь Твой: кто Бог велий, яко Бог наш?]]
  -  [[old:ps:076:15|Ты еси Бог творяй чудеса: сказал еси в людех силу Твою,]]
  -  [[old:ps:076:16|избавил еси мышцею Твоею люди Твоя, сыны Иаковли и Иосифовы.]]
  - [[old:ps:076:17| Видеша Тя воды, Боже, видеша Тя воды и убояшася: смятошася бездны.]]
  -  [[old:ps:076:18|Множество шума вод: глас даша облацы, ибо стрелы Твоя преходят.]]
  -  [[old:ps:076:19|Глас грома Твоего в колеси, осветиша молния Твоя вселенную: подвижеся и трепетна бысть земля.]]
  -  [[old:ps:076:20|В мори путие Твои, и стези Твоя в водах многих, и следы Твои не познаются.]]
  - [[old:ps:076:21| Наставил еси яко овцы люди Твоя рукою Моисеовою и Ааронею.]]