====== Псалтирь. Псалом 82 ======
  - [[old:ps:082:01|Песнь псалма Асафу.]] 
  - [[old:ps:082:02|Боже, кто уподобится Тебе? не премолчи, ниже укроти, Боже:]] 
  - [[old:ps:082:03|яко се, врази Твои возшумеша, и ненавидящии Тя воздвигоша главу.]] 
  - [[old:ps:082:04|На люди Твоя лукавноваша волею, и совещаша на святыя Твоя.]] 
  -  [[old:ps:082:05|Реша: приидите и потребим я от язык, и не помянется имя Израилево ктому.]] 
  - [[old:ps:082:06|Яко совещаша единомышлением вкупе, на Тя завет завещаша:]] 
  - [[old:ps:082:07|селения Идумейска и Исмаилите, Моав и агаряне,]] 
  - [[old:ps:082:08|Гевал и Аммон и Амалик, иноплеменницы с живущими в тире:]] 
  - [[old:ps:082:09|ибо и Ассур прииде с ними, быша в заступление сыновом Лотовым:]] 
  - [[old:ps:082:10|Сотвори им яко Мадиаму и Сисаре, яко Иавиму в потоце киссове:]] 
  - [[old:ps:082:11|потребишася во Аендоре, быша яко гной земный.]] 
  - [[old:ps:082:12|Положи князи их яко орива и зива, и зевеа и Салмана, вся князи их,]] 
  - [[old:ps:082:13|иже реша: да наследим себе святилище Божие.]] 
  - [[old:ps:082:14|Боже мой, положи я яко коло, яко трость пред лицем ветра.]] 
  - [[old:ps:082:15|Яко огнь попаляяй дубравы, яко пламень пожигаяй горы:]] 
  - [[old:ps:082:16|тако поженеши я бурею Твоею, и гневом Твоим смятеши я.]] 
  - [[old:ps:082:17|Исполни лица их безчестия, и взыщут имене Твоего, Господи.]] 
  - [[old:ps:082:18|Да постыдятся и смятутся в век века, и посрамятся и погибнут.]] 
  - [[old:ps:082:19|И да познают, яко имя Тебе Господь, Ты Един Вышний по всей земли.]]