====== Псалтирь. Псалом 85 ======
  - [[old:ps:085:01|Приклони, Господи, ухо Твое, и услыши мя: яко нищь и убог есмь аз.]] 
  - [[old:ps:085:02|Сохрани душу мою, яко преподобен есмь: спаси раба Твоего, Боже мой, уповающаго на Тя.]]
  - [[old:ps:085:03|Помилуй мя, Господи, яко к Тебе воззову весь день.]]
  - [[old:ps:085:04|Возвесели душу раба Твоего: яко к Тебе взях душу мою.]]
  - [[old:ps:085:05|Яко ты, Господи, благ и кроток и многомилостив всем призывающым Тя.]] 
  - [[old:ps:085:06|Внуши, Господи, молитву мою и вонми гласу моления моего.]] 
  - [[old:ps:085:07|В день скорби моея воззвах к Тебе, яко услышал мя еси.]] 
  - [[old:ps:085:08|Несть подобен Тебе в бозех, Господи, и несть по делом Твоим.]] 
  - [[old:ps:085:09|Вси языцы, елики сотворил еси, приидут и поклонятся пред Тобою, Господи, и прославят имя Твое:]]
  - [[old:ps:085:10|яко велий еси Ты и творяй чудеса, Ты еси Бог един.]] 
  - [[old:ps:085:11|Настави мя, Господи, на путь Твой, и пойду во истине Твоей: да возвеселится сердце мое боятися имене Твоего.]]
  -  [[old:ps:085:12|Исповемся Тебе, Господи Боже мой, всем сердцем моим и прославлю имя Твое в век:]]
  - [[old:ps:085:13|яко милость Твоя велия на мне, и избавил еси душу мою от ада преисподнейшаго.]]
  - [[old:ps:085:14|Боже, законопреступницы восташа на мя, и сонм державных взыскаша душу мою, и не предложиша Тебе пред собою.]]
  - [[old:ps:085:15|И Ты, Господи Боже мой, щедрый и милостивый, долготерпеливый и многомилостивый и истинный,]]
  - [[old:ps:085:16|призри на мя и помилуй мя: даждь державу Твою отроку Твоему и спаси сына рабы Твоея.]] 
  - [[old:ps:085:17|Сотвори со мною знамение во благо: и да видят ненавидящии мя, и постыдятся, яко Ты, Господи, помогл ми и утешил мя еси.]]