====== Псалтирь. Псалом 94 ======
  - [[old:ps:094:01|Приидите, возрадуемся Господеви, воскликнем Богу спасителю нашему:]]
  - [[old:ps:094:02|предварим лице Его во исповедании, и во псалмех воскликнем Ему:]]
  -  [[old:ps:094:03|яко Бог велий Господь, и Царь велий по всей земли:]]
  - [[old:ps:094:04|яко в руце Его вси концы земли, и высоты гор того суть.]]
  - [[old:ps:094:05|Яко Того есть море, и Той сотвори е, и сушу руце Его создасте.]]
  -  [[old:ps:094:06|Приидите, поклонимся и припадем Ему, и восплачемся пред Господем сотворшим нас:]]
  - [[old:ps:094:07|яко Той есть Бог наш, и мы людие пажити Его и овцы руки Его. днесь аще глас Его услышите,]]
  - [[old:ps:094:08|не ожесточите сердец ваших, яко в прогневании, по дни искушения в пустыни:]]
  - [[old:ps:094:09|в оньже искусиша мя отцы ваши, искусиша мя, и видеша дела моя.]]
  - [[old:ps:094:10|Четыредесять лет негодовах рода того, и рех: присно заблуждают сердцем, тии же не познаша путий моих:]]
  - [[old:ps:094:11|яко кляхся во гневе моем, аще внидут в покой мой.]]