====== Псалтирь. Псалом 101 ======
  - [[old:ps:101:01|Молитва нищаго, егда уныет и пред Господем пролиет моление свое.]]
  - [[old:ps:101:02|Господи, услыши молитву мою, и вопль мой к Тебе да приидет.]] 
  - [[old:ps:101:03|Не отврати лица твоего от мене: в оньже аще день скорблю, приклони ко мне ухо Твое: в оньже аще день призову Тя, скоро услыши мя.]] 
  - [[old:ps:101:04|Яко изчезоша яко дым дние мои, и кости моя яко сушило сосхошася.]]
  - [[old:ps:101:05|Уязвлен бых яко трава, и изсше сердце мое, яко забых снести хлеб мой.]]
  - [[old:ps:101:06|От гласа воздыхания моего прильпе кость моя плоти моей.]]
  - [[old:ps:101:07|Уподобихся неясыти пустынней, бых яко нощный вран на нырищи.]]
  - [[old:ps:101:08|Бдех и бых яко птица особящаяся на зде.]]
  - [[old:ps:101:09|Весь день поношаху ми врази мои, и хвалящии мя мною кленяхуся.]]
  - [[old:ps:101:10|Зане пепел яко хлеб ядях и питие мое с плачем растворях,]] 
  - [[old:ps:101:11|от лица гнева Твоего и ярости Твоея: яко вознес низвергл мя еси.]]
  - [[old:ps:101:12|Дние мои яко сень уклонишася, и аз яко сено изсхох.]]
  - [[old:ps:101:13|Ты же, Господи, во век пребываеши, и память Твоя в род и род.]] 
  - [[old:ps:101:14|Ты воскрес ущедриши Сиона: яко время ущедрити его, яко прииде время.]]
  - [[old:ps:101:15|Яко благоволиша раби Твои камение его, и персть его ущедрят.]]
  - [[old:ps:101:16|И убоятся языцы имене Господня, и вси царие земстии славы Твоея:]]
  - [[old:ps:101:17|яко созиждет Господь Сиона и явится во славе Своей.]]
  - [[old:ps:101:18|Призре на молитву смиренных и не уничижи моления их.]]
  - [[old:ps:101:19|Да напишется сие в род ин, и людие зиждемии восхвалят Господа:]]
  - [[old:ps:101:20|яко приниче с высоты святыя Своея, Господь с небесе на землю призре,]]
  - [[old:ps:101:21|услышати воздыхание окованных, разрешити сыны умерщвленных:]]
  - [[old:ps:101:22|возвестити в Сионе имя Господне и хвалу Его во Иерусалиме,]]
  - [[old:ps:101:23|внегда собратися людем вкупе и царем, еже работати Господеви.]]
  - [[old:ps:101:24|Отвеща ему на пути крепости его: умаление дний моих возвести ми:]]
  -  [[old:ps:101:25|не возведи мене во преполовение дний моих: в роде родов лета Твоя.]]
  - [[old:ps:101:26|В началех Ты, Господи, землю основал еси, и дела руку Твоею суть небеса.]]
  -  [[old:ps:101:27|Та погибнут, ты же пребываеши: и вся яко риза обетшают, и яко одежду свиеши я, и изменятся.]]
  - [[old:ps:101:28|Ты же тойжде еси, и лета Твоя не оскудеют.]]
  - [[old:ps:101:29|Сынове раб Твоих вселятся, и семя их во век исправится.]]