====== Псалтирь. Псалом 103 ======
  - [[old:ps:103:01|Благослови, душе моя, Господа. Господи Боже мой, возвеличился еси зело: во исповедание и в велелепоту облеклся еси:]] 
  - [[old:ps:103:02|одеяйся светом яко ризою, простираяй небо яко кожу:]] 
  - [[old:ps:103:03|покрываяй водами превыспренняя Своя, полагаяй облаки на восхождение Свое, ходяй на крилу ветреню:]] 
  - [[old:ps:103:04|творяй ангелы Своя духи, и слуги Своя пламень огненный:]] 
  - [[old:ps:103:05|основаяй землю на тверди ея: не преклонится в век века.]] 
  - [[old:ps:103:06|Бездна яко риза одеяние ея, на горах станут воды:]] 
  - [[old:ps:103:07|от запрещения Твоего побегнут, от гласа грома Твоего убоятся.]] 
  - [[old:ps:103:08|Восходят горы, и низходят поля, в место еже основал еси им.]] 
  - [[old:ps:103:09|Предел положил еси, егоже не прейдут, ниже обратятся покрыти землю.]] 
  - [[old:ps:103:10|Посылаяй источники в дебрех, посреде гор пройдут воды.]] 
  - [[old:ps:103:11|Напаяют вся звери селныя, ждут онагри в жажду свою.]] 
  - [[old:ps:103:12|На тых птицы небесныя привитают: от среды камения дадят глас.]] 
  - [[old:ps:103:13|Напаяяй горы от превыспренних своих: от плода дел Твоих насытится земля.]] 
  - [[old:ps:103:14|Прозябаяй траву скотом, и злак на службу человеком, извести хлеб от земли:]] 
  - [[old:ps:103:15|и вино веселит сердце человека, умастити лице елеем: и хлеб сердце человека укрепит.]] 
  - [[old:ps:103:16|Насытятся древа польская, кедри Ливанстии, ихже еси насадил:]] 
  - [[old:ps:103:17|тамо птицы вогнездятся, еродиево жилище предводителствует ими.]] 
  - [[old:ps:103:18|Горы высокия еленем, камень прибежище заяцем.]] 
  - [[old:ps:103:19|Сотворил есть луну во времена: солнце позна запад свой.]] 
  - [[old:ps:103:20|Положил еси тму, и бысть нощь, в нейже пройдут вси зверие дубравнии,]] 
  - [[old:ps:103:21|скимни рыкающии восхитити и взыскати от Бога пищу себе.]] 
  - [[old:ps:103:22|Возсия солнце, и собрашася, и в ложах своих лягут.]] 
  - [[old:ps:103:23|Изыдет человек на дело свое и на делание свое до вечера.]] 
  - [[old:ps:103:24|Яко возвеличишася дела Твоя, Господи: вся премудростию сотворил еси: исполнися земля твари Твоея.]] 
  - [[old:ps:103:25|Сие море великое и пространное: тамо гади, ихже несть числа, животная малая с великими:]] 
  - [[old:ps:103:26|тамо корабли преплавают, змий сей, егоже создал еси ругатися ему.]] 
  - [[old:ps:103:27|Вся к Тебе чают, дати пищу им во благо время.]] 
  - [[old:ps:103:28|Давшу Тебе им, соберут: отверзшу Тебе руку, всяческая исполнятся благости:]] 
  - [[old:ps:103:29|отвращшу же Тебе лице, возмятутся: отимеши дух их, и изчезнут и в персть свою возвратятся:]] 
  - [[old:ps:103:30|послеши Духа Твоего, и созиждутся, и обновиши лице земли.]] 
  - [[old:ps:103:31|Буди слава Господня во веки: возвеселится Господь о делех Своих:]] 
  - [[old:ps:103:32|призираяй на землю и творяй ю трястися: прикасаяйся горам, и дымятся.]] 
  - [[old:ps:103:33|Воспою Господеви в животе моем, пою Богу моему, дондеже есмь:]] 
  - [[old:ps:103:34|да усладится Ему беседа моя, аз же возвеселюся о Господе.]] 
  - [[old:ps:103:35|Да изчезнут грешницы от земли, и беззаконницы, якоже не быти им. благослови, душе моя, Господа.]]