====== Псалтирь. Псалом 106 ======
  - [[old:ps:106:01|Исповедайтеся Господеви, яко благ, яко в век милость Его.]] 
  - [[old:ps:106:02|Да рекут избавленнии Господем, ихже избави из руки врага,]] 
  - [[old:ps:106:03|и от стран собра их, от восток и запад, и севера и моря:]] 
  - [[old:ps:106:04|заблудиша в пустыни безводней, пути града обителнаго не обретоша:]] 
  - [[old:ps:106:05|алчуще и жаждуще, душа их в них изчезе.]] 
  -  [[old:ps:106:06|И воззваша ко Господу, внегда скорбети им, и от нужд их избави я:]] 
  - [[old:ps:106:07|и настави я на путь прав, внити во град обителный.]] 
  - [[old:ps:106:08|Да исповедятся Господеви милости Его и чудеса Его сыновом человеческим:]] 
  - [[old:ps:106:09|яко насытил есть душу тщу, и душу алчущу исполни благ:]] 
  -  [[old:ps:106:10|седящыя во тме и сени смертней, окованныя нищетою и железом,]] 
  - [[old:ps:106:11|яко преогорчиша словеса Божия, и совет вышняго раздражиша.]] 
  - [[old:ps:106:12|И смирися в трудех сердце их, и изнемогоша, и не бе помагаяй.]] 
  - [[old:ps:106:13|И воззваша ко Господу, внегда скорбети им, и от нужд их спасе я:]] 
  - [[old:ps:106:14|и изведе я из тмы и сени смертныя, и узы их растерза.]] 
  - [[old:ps:106:15|Да исповедятся Господеви милости Его и чудеса Его сыновом человеческим:]] 
  - [[old:ps:106:16|яко сокруши врата медная, и вереи железныя сломи.]] 
  -  [[old:ps:106:17|Восприят я от пути беззакония их: беззаконий бо ради своих смиришася.]] 
  - [[old:ps:106:18|Всякаго брашна возгнушася душа их, и приближишася до врат смертных.]] 
  - [[old:ps:106:19|И воззваша ко Господу, внегда скорбети им, и от нужд их спасе я:]] 
  - [[old:ps:106:20|посла слово Свое, и изцели я, и избави я от растлений их.]] 
  - [[old:ps:106:21|Да исповедятся Господеви милости Его и чудеса Его сыновом человеческим:]] 
  - [[old:ps:106:22|и да пожрут ему жертву хвалы и да возвестят дела Его в радости.]] 
  -  [[old:ps:106:23|Сходящии в море в кораблех, творящии делания в водах многих,]] 
  - [[old:ps:106:24|тии видеша дела Господня и чудеса Его во глубине.]] 
  - [[old:ps:106:25|Рече, и ста дух бурен, и вознесошася волны Его:]] 
  - [[old:ps:106:26|восходят до небес и низходят до бездн: душа их в злых таяше:]] 
  - [[old:ps:106:27|смятошася, подвигошася яко пияный, и вся мудрость их поглощена бысть.]] 
  - [[old:ps:106:28|И воззваша ко Господу, внегда скорбети им, и от нужд их изведе я:]] 
  - [[old:ps:106:29|и повеле бури, и ста в тишину, и умолкоша волны Его.]] 
  - [[old:ps:106:30|И возвеселишася, яко умолкоша, и настави я в пристанище хотения своего.]] 
  - [[old:ps:106:31|Да исповедятся Господеви милости Его и чудеса Его сыновом человеческим:]] 
  - [[old:ps:106:32|да вознесут Его в Церкви людстей, и на седалищи старец восхвалят Его.]] 
  - [[old:ps:106:33|Положил есть реки в пустыню и исходища водная в жажду,]] 
  - [[old:ps:106:34|землю плодоносную в сланость, от злобы живущих на ней.]] 
  - [[old:ps:106:35|Положил есть пустыню во езера водная и землю безводную во исходища водная.]] 
  - [[old:ps:106:36|И насели тамо алчущыя, и составиша грады обителны:]] 
  - [[old:ps:106:37|и насеяша села, и насадиша винограды, и сотвориша плод житен.]] 
  - [[old:ps:106:38|И благослови я, и умножишася зело: и скоты их не умали.]] 
  - [[old:ps:106:39|И умалишася и озлобишася от скорби зол и болезни:]] 
  - [[old:ps:106:40|излияся уничижение на князи их, и облазни я по непроходней, а не по пути.]] 
  - [[old:ps:106:41|И поможе убогу от нищеты и положи яко овцы отечествия.]] 
  - [[old:ps:106:42|Узрят правии и возвеселятся, и всякое беззаконие заградит уста своя.]] 
  - [[old:ps:106:43|Кто премудр и сохранит сия? и уразумеют милости Господни.]]