====== Псалтирь. Псалом 108 ======
  - [[old:ps:108:01|Боже, хвалы моея не премолчи:]]
  - [[old:ps:108:02|яко уста грешнича и уста льстиваго на мя отверзошася, глаголаша на мя языком льстивым,]]
  - [[old:ps:108:03|и словесы ненавистными обыдоша мя, и брашася со мною туне.]]
  - [[old:ps:108:04|Вместо еже любити мя, оболгаху мя, аз же моляхся:]]
  - [[old:ps:108:05|и положиша на мя злая за благая, и ненависть за возлюбление мое.]]
  - [[old:ps:108:06|Постави на него грешника, и диавол да станет одесную его:]]
  - [[old:ps:108:07|внегда судитися ему, да изыдет осужден, и молитва его да будет в грех.]]
  -  [[old:ps:108:08|Да будут дние его мали, и епископство его да приимет ин:]]
  - [[old:ps:108:09|да будут сынове его сири, и жена его вдова:]]
  - [[old:ps:108:10|движущеся да преселятся сынове его и воспросят, да изгнани будут из домов своих.]]
  - [[old:ps:108:11|Да взыщет заимодавец вся, елика суть его: и да восхитят чуждии труды его.]]
  - [[old:ps:108:12|Да не будет ему заступника, ниже да будет ущедряяй сироты его:]]
  - [[old:ps:108:13|да будут чада его в погубление, в роде единем да потребится имя его.]]
  - [[old:ps:108:14|Да воспомянется беззаконие отец его пред Господем, и грех матере его да не очистится:]]
  - [[old:ps:108:15|да будут пред Господем выну, и да потребится от земли память их:]]
  - [[old:ps:108:16|занеже не помяну сотворити милость, и погна человека нища и убога, и умилена сердцем умертвити.]]
  -  [[old:ps:108:17|И возлюби клятву, и приидет ему: и не восхоте благословения, и удалится от него.]]
  -  [[old:ps:108:18|И облечеся в клятву яко в ризу, и вниде яко вода во утробу его и яко елей в кости его:]]
  - [[old:ps:108:19|да будет ему яко риза, в нюже облачится, и яко пояс, имже выну опоясуется.]]
  -  [[old:ps:108:20|Сие дело оболгающих мя у Господа и глаголющих лукавая на душу мою.]]
  - [[old:ps:108:21|И Ты, Господи, Господи, сотвори со мною имене ради Твоего, яко блага милость Твоя:]]
  - [[old:ps:108:22|избави мя, яко нищь и убог есмь аз, и сердце мое смятеся внутрь мене.]]
  - [[old:ps:108:23|Яко сень, внегда уклонитися ей, отъяхся: стрясохся яко прузи.]]
  - [[old:ps:108:24|Колена моя изнемогоста от поста, и плоть моя изменися елеа ради.]]
  - [[old:ps:108:25|И аз бых поношение им: видеша мя, покиваша главами своими.]]
  - [[old:ps:108:26|Помози ми, Господи Боже мой, и спаси мя по милости Твоей:]] 
  - [[old:ps:108:27| и да разумеют, яко рука Твоя сия, и Ты, Господи, сотворил еси ю.]]
  -  [[old:ps:108:28|Прокленут тии, и Ты благословиши: востающии на мя да постыдятся, раб же Твой возвеселится.]]
  -  [[old:ps:108:29|Да облекутся оболгающии мя в срамоту и одеждутся яко одеждою студом своим.]]
  - [[old:ps:108:30|Исповемся Господеви зело усты моими и посреде многих восхвалю Его:]]
  -  [[old:ps:108:31|яко предста одесную убогаго, еже спасти от гонящих душу мою.]]