====== Псалтирь. Псалом 131 ======
  - [[old:ps:131:01|Помяни, Господи, Давида и всю кротость его:]] 
  - [[old:ps:131:02|яко клятся Господеви, обещася Богу Иаковлю:]] 
  - [[old:ps:131:03| аще вниду в селение дому моего, или взыду на одр постели моея:]] 
  - [[old:ps:131:04|аще дам сон очима моима, и веждома моима дремание, и покой скраниама моима:]] 
  - [[old:ps:131:05|дондеже обрящу место Господеви, селение Богу Иаковлю.]] 
  - [[old:ps:131:06|Се, слышахом я во Евфрафе, обретохом я в полях дубравы:]] 
  - [[old:ps:131:07| внидем в селения его, поклонимся на место, идеже стоясте нозе его.]] 
  - [[old:ps:131:08|воскресени, Господи, в покой твой, ты и кивот святыни твоея.]] 
  - [[old:ps:131:09|священницы твои облекутся правдою, и преподобнии твои возрадуются.]] 
  - [[old:ps:131:10|Давида ради раба твоего, не отврати лице помазаннаго твоего.]] 
  - [[old:ps:131:11| Клятся Господь Давиду истиною, и не отвержется ея: от плода чрева твоего посажду на престоле твоем.]] 
  - [[old:ps:131:12|Аще сохранят сынове твои завет мой и свидения моя сия, имже научу я, и сынове их до века сядут на престоле твоем.]] 
  - [[old:ps:131:13|Яко избра Господь Сиона, изволи и в жилище себе.]] 
  - [[old:ps:131:14|Сей покой мой во век века, зде вселюся, яко изволих и.]] 
  - [[old:ps:131:15|Ловитву его благословляяй благословлю, нищыя его насыщу хлебы:]] 
  - [[old:ps:131:16|священники его облеку во спасение, и преподобнии его радостию возрадуются.]] 
  - [[old:ps:131:17|Тамо возращу рог Давидови, уготовах светилник помазанному моему.]] 
  - [[old:ps:131:18|Враги его облеку студом, на немже процветет святыня моя.]]