====== Псалтирь. Псалом 136 ======
  - [[old:ps:136:01|На реках вавилонских, тамо седохом и плакахом, внегда помянути нам Сиона:]] 
  - [[old:ps:136:02| на вербиих посреде его обесихом органы нашя.]] 
  - [[old:ps:136:03|Яко тамо вопросиша ны пленшии нас о словесех песней, и ведшии нас о пении: воспойте нам от песней Сионских.]] 
  - [[old:ps:136:04|Како воспоем песнь Господню на земли чуждей?]] 
  - [[old:ps:136:05|Аще забуду тебе, Иерусалиме, забвена буди десница моя.]] 
  - [[old:ps:136:06|Прильпни язык мой гортани моему, аще не помяну тебе, аще не предложу Иерусалима, яко в начале веселия моего.]] 
  - [[old:ps:136:07|Помяни, Господи, сыны Едомския в день Иерусалимль глаголющыя: истощайте, истощайте до оснований его.]] 
  - [[old:ps:136:08|Дщи Вавилоня окаянная, блажен, иже воздаст тебе воздаяние твое, еже воздала еси нам:]] 
  - [[old:ps:136:09|блажен, иже имет и разбиет младенцы твоя о камень.]]