====== Псалтирь. Псалом 138 ======
  - [[old:ps:138:01|Господи, искусил мя еси и познал мя еси: ты познал еси седание мое и востание мое.]] 
  - [[old:ps:138:02|Ты разумел еси помышления моя издалеча:]] 
  - [[old:ps:138:03|стезю мою и уже мое ты еси изследовал и вся пути моя провидел еси.]] 
  - [[old:ps:138:04|Яко несть льсти в языце моем: се, Господи, ты познал еси]] 
  - [[old:ps:138:05|вся последняя и древняя: ты создал еси мя и положил еси на мне руку твою.]] 
  - [[old:ps:138:06|Удивися разум твой от мене, утвердися, не возмогу к нему.]] 
  - [[old:ps:138:07|Камо пойду от Духа твоего? и от лица твоего камо бежу?]] 
  - [[old:ps:138:08|Аще взыду на небо, ты тамо еси: аще сниду во ад, тамо еси.]] 
  - [[old:ps:138:09|Аще возму криле мои рано и вселюся в последних моря,]] 
  - [[old:ps:138:10|и тамо бо рука твоя наставит мя, и удержит мя десница твоя.]] 
  - [[old:ps:138:11|И рех: еда тма поперет мя? и нощь просвещение в сладости моей.]] 
  - [[old:ps:138:12|Яко тма не помрачится от тебе, и нощь яко день просветится: яко тма ея, тако и свет ея.]] 
  - [[old:ps:138:13|Яко ты создал еси утробы моя, восприял мя еси из чрева матере моея.]] 
  - [[old:ps:138:14|Исповемся тебе, яко страшно удивился еси: чудна дела твоя, и душа моя знает зело.]] 
  - [[old:ps:138:15|Не утаися кость моя от тебе, юже сотворил еси в тайне, и состав мой в преисподних земли.]] 
  - [[old:ps:138:16|Несоделанное мое видесте очи твои, и в книзе твоей вси напишутся: во днех созиждутся, и никтоже в них.]] 
  - [[old:ps:138:17|Мне же зело честни быша друзи твои, Боже, зело утвердишася владычествия их:]] 
  - [[old:ps:138:18|изочту их, и паче песка умножатся: востах, и еще есмь с тобою.]] 
  - [[old:ps:138:19|Аще избиеши грешники, Боже: мужие кровей, уклонитеся от мене.]]
  - [[old:ps:138:20|Яко ревниви есте в помышлениих, приимут в суету грады твоя.]] 
  - [[old:ps:138:21|Не ненавидящыя ли тя, Господи, возненавидех, и о вразех твоих истаях?]] 
  - [[old:ps:138:22|Совершенною ненавистию возненавидех я: во враги быша ми.]] 
  - [[old:ps:138:23|Искуси мя, Боже, и увеждь сердце мое: истяжи мя и разумей стези моя:]] 
  - [[old:ps:138:24|и виждь, аще путь беззакония во мне, и настави мя на путь вечен.]]