====== Псалтирь. Псалом 140 ======
  - [[old:ps:140:01|Господи, воззвах к Тебе, услыши мя: вонми гласу моления моего, внегда воззвати ми к Тебе.]]
  - [[old:ps:140:02|Да исправится молитва моя яко кадило пред Тобою: воздеяние руку моею, жертва вечерняя.]]
  - [[old:ps:140:03|Положи, Господи, хранение устом моим и дверь ограждения о устнах моих.]]
  - [[old:ps:140:04|Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их.]]
  - [[old:ps:140:05|Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их.]]
  - [[old:ps:140:06|Пожерты быша при камени судии их: услышатся глаголи мои, яко возмогоша.]]
  - [[old:ps:140:07|Яко толща земли проседеся на земли, расточишася кости их при аде.]]
  - [[old:ps:140:08|Яко к Тебе, Господи, Господи, очи мои: на Тя уповах, не отъими душу мою:]]
  - [[old:ps:140:09|сохрани мя от сети, юже составиша ми, и от соблазн делающих беззаконие.]]
  - [[old:ps:140:10|Падут во мрежу свою грешницы: един есмь аз, дондеже прейду.]]