====== Псалтирь. Псалом 142 ======
  - [[old:ps:142:01|Господи, услыши молитву мою, внуши моление мое во истине твоей, услыши мя в правде Твоей:]] 
  - [[old:ps:142:02|и не вниди в суд с рабом Твоим, яко не оправдится пред Тобою всяк живый.]]
  - [[old:ps:142:03|Яко погна враг душу мою: смирил есть в землю живот мой: посадил мя есть в темных, яко мертвыя века.]]
  - [[old:ps:142:04|И уны во мне дух мой, во мне смятеся сердце мое.]]
  - [[old:ps:142:05|Помянух дни древния, поучихся во всех делех Твоих, в творениих руку твоею поучахся.]]
  - [[old:ps:142:06|Воздех к тебе руце мои: душа моя яко земля безводная Тебе.]]
  - [[old:ps:142:07|Скоро услыши мя, Господи, изчезе дух мой: не отврати лица Твоего от мене, и уподоблюся низходящым в ров.]]
  - [[old:ps:142:08|Слышану сотвори мне заутра милость Твою, яко на тя уповах: скажи мне, Господи, путь, в оньже пойду, яко к Тебе взях душу мою.]]
  - [[old:ps:142:09|Изми мя от враг моих, Господи, к Тебе прибегох.]]
  - [[old:ps:142:10|Научи мя творити волю Твою, яко Ты еси Бог мой: Дух Твой благий наставит мя на землю праву.]]
  - [[old:ps:142:11|Имене Твоего ради, Господи, живиши мя правдою Твоею: изведеши от печали душу мою:]]
  - [[old:ps:142:12|и милостию Твоею потребиши враги моя и погубиши вся стужающыя души моей: яко аз раб Твой есмь.]]