====== Псалтирь. Псалом 143 ======
  - [[old:ps:143:01|Благословен Господь Бог мой, научаяй руце мои на ополчение, персты моя на брань.]] 
  - [[old:ps:143:02|Милость моя и прибежище мое, заступник мой и избавитель мой, защититель мой, и на Него уповах: повинуяй люди моя под мя.]]
  - [[old:ps:143:03|Господи, что есть человек, яко познался еси ему? или сын человечь, яко вменяеши его?]]
  - [[old:ps:143:04|Человек суете уподобися: дние его яко сень преходят.]]
  - [[old:ps:143:05|Господи, преклони небеса, и сниди: коснися горам, и воздымятся:]]
  - [[old:ps:143:06| блесни молнию, и разженеши я: посли стрелы Твоя, и смятеши я.]]
  - [[old:ps:143:07|Посли руку Твою с высоты, изми мя и избави мя от вод многих, из руки сынов чуждих,]]
  - [[old:ps:143:08|ихже уста глаголаша суету, и десница их десница неправды.]]
  - [[old:ps:143:09|Боже, песнь нову воспою Тебе, во псалтири десятоструннем пою Тебе:]]
  - [[old:ps:143:10|дающему спасение царем, избавляющему Давида раба Своего от меча люта.]]
  - [[old:ps:143:11|Избави мя и изми мя из руки сынов чуждих, ихже уста глаголаша суету, и десница их десница неправды:]]
  - [[old:ps:143:12|ихже сынове их яко новосаждения водруженая в юности своей, дщери их удобрены, преукрашены яко подобие храма:]]
  - [[old:ps:143:13|хранилища их исполнена, отрыгающая от сего в сие: овцы их многоплодны, множащыяся во исходищих своих: волове их толсти:]]
  - [[old:ps:143:14|несть падения оплоту, ниже прохода, ниже вопля в стогнах их.]]
  - [[old:ps:143:15|Ублажиша люди, имже сия суть: блажени людие, имже Господь Бог их.]]