====== Псалтирь. Псалом 2 ======

  - [[old:ps:002:01|Вскую шаташася языцы, и людие поучишася тщетным?]] 
  - [[old:ps:002:02|Предсташа царие земстии, и князи собрашася вкупе на Господа и на Христа Его.]] 
  - [[old:ps:002:03|Расторгнем узы их и отвержем от нас иго их.]]
  - [[old:ps:002:04|Живый на небесех посмеется им, и Господь поругается им.]]
  - [[old:ps:002:05|Тогда возглаголет к ним гневом Своим и яростию Своею смятет я:]]
  - [[old:ps:002:06|Аз же поставлен есмь Царь от Него над Сионом, горою святою Его,]]
  - [[old:ps:002:07|возвещаяй повеление Господне. Господь рече ко мне: Сын Мой еси Ты, Аз днесь родих Тя:]]
  - [[old:ps:002:08|проси от Мене, и дам Ти языки достояние Твое, и одержание Твое концы земли:]]
  - [[old:ps:002:09|упасеши я жезлом железным, яко сосуды скудельничи сокрушиши я.]]
  - [[old:ps:002:10|И ныне, царие, разумейте, накажитеся вси судящии земли.]]
  - [[old:ps:002:11|Работайте Господеви со страхом, и радуйтеся Ему с трепетом.]]
  - [[old:ps:002:12|Приимите наказание, да не когда прогневается Господь, и погибнете от пути праведнаго, егда возгорится вскоре ярость Его: блажени вси надеющиися нань.]]