====== Псалтирь. Псалом 5 ======

  - [[old:ps:005:01|О наследствующем, псалом Давиду.]] 
  - [[old:ps:005:02|Глаголы моя внуши, Господи, разумей звание мое.]]
  - [[old:ps:005:03|Вонми гласу моления моего, Царю мой и Боже мой: яко к Тебе помолюся, Господи.]]
  - [[old:ps:005:04|Заутра услыши глас мой: заутра предстану Ти, и узриши мя:]]
  - [[old:ps:005:05|яко Бог не хотяй беззакония Ты еси: не приселится к Тебе лукавнуяй,]]
  - [[old:ps:005:06|ниже пребудут беззаконницы пред очима Твоима: возненавидел еси вся делающыя беззаконие,]]
  - [[old:ps:005:07|погубиши вся глаголющыя лжу: мужа кровей и льстива гнушается Господь.]]
  - [[old:ps:005:08|Аз же множеством милости Твоея вниду в дом Твой, поклонюся ко храму святому Твоему, в страсе Твоем.]]
  - [[old:ps:005:09|Господи, настави мя правдою Твоею, враг моих ради исправи пред Тобою путь мой.]]
  - [[old:ps:005:10|Яко несть во устех их истины, сердце их суетно, гроб отверст гортань их, языки своими льщаху.]]
  - [[old:ps:005:11|Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи.]]
  - [[old:ps:005:12|И да возвеселятся вси уповающии на Тя, во век возрадуются, и вселишися в них: и похвалятся о Тебе любящии имя Твое.]]
  - [[old:ps:005:13|Яко Ты благословиши праведника, Господи, яко оружием благоволения венчал еси нас.]]