====== Псалтирь. Псалом 6 ======

  - [[old:ps:006:01|В конец, в песнех о осмем, псалом Давиду.]] 
  - [[old:ps:006:02|Господи, да не яростию Твоею обличиши мене, ниже гневом Твоим накажеши мене.]]
  - [[old:ps:006:03|Помилуй мя, Господи, яко немощен есмь: изцели мя, Господи, яко смятошася кости моя,]]
  - [[old:ps:006:04|и душа моя смятеся зело: и Ты, Господи, доколе?]]
  - [[old:ps:006:05|Обратися, Господи, избави душу мою, спаси мя ради милости Твоея:]]
  - [[old:ps:006:06|яко несть в смерти поминаяй Тебе, во аде же кто исповестся Тебе?]]
  - [[old:ps:006:07|Утрудихся воздыханием моим, измыю на всяку нощь ложе мое, слезами моими постелю мою омочу.]]
  - [[old:ps:006:08|Смятеся от ярости око мое, обетшах во всех вразех моих.]]
  - [[old:ps:006:09|Отступите от мене, вси делающии беззаконие, яко услыша Господь глас плача моего,]]
  - [[old:ps:006:10|услыша Господь моление мое, Господь молитву мою прият.]]
  - [[old:ps:006:11|Да постыдятся и смятутся вси врази мои, да возвратятся и устыдятся зело вскоре.]]