====== Псалтирь. Псалом 7 ======
  - [[old:ps:007:01|Псалом Давиду, егоже воспет Господеви о словесех хусиевых, сына Иемениина.]] 
  - [[old:ps:007:02|Господи Боже мой, на Тя уповах, спаси мя от всех гонящих мя и избави мя:]]
  - [[old:ps:007:03|да не когда похитит яко лев душу мою, не сущу избавляющу, ниже спасающу.]]
  - [[old:ps:007:04|Господи Боже мой, аще сотворих сие, аще есть неправда в руку моею,]]
  - [[old:ps:007:05|аще воздах воздающым ми зла, да отпаду убо от враг моих тощь:]]
  - [[old:ps:007:06|да поженет убо враг душу мою, и да постигнет, и поперет в землю живот мой, и славу мою в персть вселит.]]
  - [[old:ps:007:07|воскресни, Господи, гневом Твоим, вознесися в концах враг Твоих, и востани, Господи Боже мой, повелением, имже заповедал еси,]]
  - [[old:ps:007:08|и сонм людий обыдет Тя: и о том на высоту обратися.]]
  - [[old:ps:007:09|Господь судит людем: суди ми, Господи, по правде моей и по незлобе моей на мя.]]
  - [[old:ps:007:10|Да скончается злоба грешных, и исправиши праведнаго, испытаяй сердца и утробы, Боже, праведно.]]
  - [[old:ps:007:11|Помощь моя от Бога, спасающаго правыя сердцем.]]
  - [[old:ps:007:12|Бог судитель праведен и крепок, и долготерпелив, и не гнев наводяй на всяк день.]]
  - [[old:ps:007:13|Аще не обратитеся, оружие свое очистит, лук свой напряже, и уготова и,]]
  - [[old:ps:007:14|и в нем уготова сосуды смертныя, стрелы своя сгараемым содела.]]
  - [[old:ps:007:15|Се, боле неправдою, зачат болезнь и роди беззаконие:]]
  - [[old:ps:007:16|ров изры и ископа и, и падет в яму, юже содела.]]
  - [[old:ps:007:17|Обратится болезнь его на главу его, и на верх его неправда его снидет.]]
  - [[old:ps:007:18|Исповемся Господеви по правде Его и пою имени Господа вышняго.]]