====== Псалтирь. Псалом 8 ======

  - [[old:ps:008:01|В конец, о точилех, псалом Давиду.]] 
  - [[old:ps:008:02|Господи Господь наш, яко чудно имя Твое по всей земли, яко взятся великолепие Твое превыше небес.]]
  - [[old:ps:008:03|Из уст младенец и ссущих совершил еси хвалу, враг Твоих ради, еже разрушити врага и местника.]]
  - [[old:ps:008:04|Яко узрю небеса, дела перст Твоих, луну и звезды, яже Ты основал еси:]]
  - [[old:ps:008:05|что есть человек, яко помниши его? или сын человечь, яко посещаеши его?]]
  - [[old:ps:008:06|Умалил еси его малым чим от ангел, славою и честию венчал еси его:]]
  - [[old:ps:008:07|и поставил еси его над делы руку Твоею, вся покорил еси под нозе его:]]
  - [[old:ps:008:08|овцы и волы вся, еще же и скоты польския,]]
  - [[old:ps:008:09|птицы небесныя и рыбы морския, преходящыя стези морския.]]
  - [[old:ps:008:10|Господи Господь наш, яко чудно имя Твое по всей земли.]]