====== Псалтирь. Псалом 9 ======
  - [[old:ps:009:01|В конец, о тайных сына, псалом Давиду.]]
  - [[old:ps:009:02|Исповемся Тебе, Господи, всем сердцем моим, повем вся чудеса Твоя.]]
  - [[old:ps:009:03|Возвеселюся и возрадуюся о Тебе, пою имени Твоему, Вышний.]]
  - [[old:ps:009:04|Внегда возвратитися врагу моему вспять, изнемогут и погибнут от лица Твоего.]]
  - [[old:ps:009:05|Яко сотворил еси суд мой и прю мою: сел еси на Престоле, судяй правду.]]
  - [[old:ps:009:06|Запретил еси языком, и погибе нечестивый: имя его потребил еси в век и в век века.]]
  - [[old:ps:009:07|Врагу оскудеша оружия в конец, и грады разрушил еси: погибе память его с шумом.]]
  - [[old:ps:009:08|И Господь во век пребывает, уготова на суд Престол Свой:]]
  - [[old:ps:009:09|и Той судити имать вселенней в правду, судити имать людем в правоте.]]
  - [[old:ps:009:10|И бысть Господь прибежище убогому, помощник во благовремениих, в скорбех.]]
  - [[old:ps:009:11|И да уповают на Тя знающии имя Твое, яко не оставил еси взыскающих Тя, Господи.]]
  - [[old:ps:009:12|Пойте Господеви, живущему в Сионе, возвестите во языцех начинания Его:]]
  - [[old:ps:009:13|яко взыскаяй крови их помяну, не забы звания убогих.]]
  - [[old:ps:009:14|Помилуй мя, Господи, виждь смирение мое от враг моих, возносяй мя от врат смертных:]]
  - [[old:ps:009:15|яко да возвещу вся хвалы Твоя во вратех дщере Сиони: возрадуемся о спасении Твоем.]]
  - [[old:ps:009:16|Углебоша языцы в пагубе, юже сотвориша: в сети сей, юже скрыша, увязе нога их.]]
  - [[old:ps:009:17|Знаемь есть Господь судбы творяй: в делех руку своею увязе грешник.]]
  - [[old:ps:009:18|Да возвратятся грешницы во ад, вси языцы забывающии Бога.]]
  - [[old:ps:009:19|Яко не до конца забвен будет нищий, терпение убогих не погибнет до конца.]]
  - [[old:ps:009:20|Воскресни, Господи, да не крепится человек, да судятся языцы пред Тобою.]]
  - [[old:ps:009:21|Постави, Господи, законоположителя над ними, да разумеют языцы, яко человецы суть.]]
  - [[old:ps:009:22|Вскую, Господи, отстоя далече, презираеши во благовремениих, в скорбех?]]
  - [[old:ps:009:23|Внегда гордитися нечестивому, возгарается нищий: увязают в советех, яже помышляют.]]
  - [[old:ps:009:24|Яко хвалимь есть грешный в похотех души своея, и обидяй благословимь есть.]]
  - [[old:ps:009:25|Раздражи Господа грешный: по множеству гнева своего не взыщет: несть Бога пред ним.]]
  - [[old:ps:009:26|Оскверняются путие его на всяко время: отъемлются судбы Твоя от лица его: всеми враги своими обладает.]]
  - [[old:ps:009:27|Рече бо в сердцы своем: не подвижуся от рода в род без зла:]] 
  - [[old:ps:009:28|егоже клятвы уста его полна суть, и горести и льсти: под языком его труд и болезнь.]]
  - [[old:ps:009:29|Приседит в ловителстве с богатыми в тайных, еже убити неповиннаго: очи его на нищаго призираете.]]
  - [[old:ps:009:30|Ловит в тайне яко лев во ограде своей, ловит еже восхитити нищаго, восхитити нищаго, внегда привлещи и в сети своей.]]
  - [[old:ps:009:31|Смирит его: преклонится и падет, внегда ему обладати убогими.]]
  - [[old:ps:009:32|Рече бо в сердцы своем: забы Бог, отврати лице Свое, да не видит до конца.]]
  - [[old:ps:009:33|воскресни, Господи Боже мой, да вознесется рука Твоя, не забуди убогих Твоих до конца.]]
  - [[old:ps:009:34|Чесо ради прогнева нечестивый Бога? рече бо в сердцы своем: не взыщет.]]
  - [[old:ps:009:35|Видиши, яко Ты болезнь и ярость смотряеши, да предан будет в руце Твои: Тебе оставлен есть нищий, сиру Ты буди помощник.]]
  - [[old:ps:009:36|Сокруши мышцу грешному и лукавому: взыщется грех его и не обрящется.]]
  - [[old:ps:009:37|Господь Царь во век и в век века: погибнете, языцы, от земли Его.]]
  - [[old:ps:009:38|Желание убогих услышал еси, Господи, уготованию сердца их внят ухо Твое.]]
  - [[old:ps:009:39|Суди сиру и смирену, да не приложит ктому величатися человек на земли.]]