====== Псалтирь. Псалом 11 ======

  - [[old:ps:011:01|В конец, о осмей, псалом Давиду.]] 
  - [[old:ps:011:02|Спаси мя, Господи, яко оскуде преподобный: яко умалишася истины от сынов человеческих.]]
  - [[old:ps:011:03|Суетная глагола кийждо ко искреннему своему: устне льстивыя в сердцы, и в сердцы глаголаша злая.]]
  - [[old:ps:011:04|Потребит Господь вся устны льстивыя, язык велеречивый,]]
  - [[old:ps:011:05|рекшыя: язык наш возвеличим, устны наша при нас суть: кто нам Господь есть?]]
  - [[old:ps:011:06|Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем.]]
  - [[old:ps:011:07|Словеса Господня словеса чиста, сребро разжжено, искушено земли, очищено седмерицею.]]
  - [[old:ps:011:08|Ты, Господи, сохраниши ны и соблюдеши ны от рода сего и во век.]]
  - [[old:ps:011:09|Окрест нечестивии ходят: по высоте твоей умножил еси сыны человеческия.]]