====== Псалтирь. Псалом 15 ======
  - [[old:ps:015:01|Сохрани мя, Господи, яко на Тя уповах.]] 
  - [[old:ps:015:02|Рех Господеви: Господь мой еси Ты, яко благих моих не требуеши. ]]
  - [[old:ps:015:03|святым, иже суть на земли Его, удиви Господь вся хотения своя в них. ]]
  - [[old:ps:015:04|Умножишася немощи их, по сих ускориша: не соберу соборы их от кровей, ни помяну же имен их устнама моима. ]]
  - [[old:ps:015:05|Господь часть достояния моего и чаши моея: Ты еси устрояяй достояние мое мне. ]]
  - [[old:ps:015:06|Ужя нападоша ми в державных моих: ибо достояние мое державно есть мне. ]]
  - [[old:ps:015:07|Благословлю Господа вразумившаго мя: еще же и до нощи наказаша мя утробы моя. ]]
  - [[old:ps:015:08|Предзрех Господа предо мною выну, яко одесную мене есть, да не подвижуся. ]]
  - [[old:ps:015:09|Сего ради возвеселися сердце мое, и возрадовася язык мой: еще же и плоть моя вселится на уповании. ]]
  - [[old:ps:015:10|Яко не оставиши душу мою во аде, ниже даси преподобному Твоему видети истления. ]]
  - [[old:ps:015:11|Сказал ми еси пути живота: исполниши мя веселия с лицем Твоим: красота в деснице Твоей в конец. ]]