====== Псалтирь. Псалом 17 ====== - [[old:ps:017:01|В конец, отроку Господню Давиду, яже глагола Господеви словеса песни сея, в день, в оньже избави его Господь от руки всех враг его и из руки Саули: и рече:]] - [[old:ps:017:02|Возлюблю Тя, Господи, крепосте моя:]] - [[old:ps:017:03|Господь утверждение мое, и прибежище мое, и Избавитель мой, Бог мой, Помощник мой, и уповаю на Него: Защититель мой, и рог спасения моего, и Заступник мой.]] - [[old:ps:017:04|Хваля призову Господа и от враг моих спасуся.]] - [[old:ps:017:05|Одержаша мя болезни смертныя, и потоцы беззакония смятоша мя:]] - [[old:ps:017:06|болезни адовы обыдоша мя, предвариша мя сети смертныя.]] - [[old:ps:017:07|И внегда скорбети ми, призвах Господа и к Богу моему воззвах: услыша от храма святаго Своего глас мой, и вопль мой пред Ним внидет во ушы Его.]] - [[old:ps:017:08|И подвижеся и трепетна бысть земля, и основания гор смятошася и подвигошася, яко прогневася на ня Бог.]] - [[old:ps:017:09|Взыде дым гневом Его, и огнь от лица Его воспламенится: углие возгореся от Него.]] - [[old:ps:017:10|И приклони небеса и сниде, и мрак под ногама Его.]] - [[old:ps:017:11|И взыде на херувимы и лете, лете на крилу ветреню.]] - [[old:ps:017:12|И положи тму закров Свой: окрест Его селение Его: темна вода во облацех воздушных.]] - [[old:ps:017:13|От облистания пред Ним облацы проидоша, град и углие огненное.]] - [[old:ps:017:14|И возгреме с Небесе Господь, и Вышний даде глас Свой.]] - [[old:ps:017:15|Низпосла стрелы и разгна я, и молнии умножи и смяте я.]] - [[old:ps:017:16|И явишася источницы воднии, и открышася основания вселенныя от запрещения Твоего, Господи, от дохновения духа гнева Твоего.]] - [[old:ps:017:17|Низпосла с высоты и прият мя, восприят мя от вод многих.]] - [[old:ps:017:18|Избавит мя от врагов моих сильных и от ненавидящих мя: яко утвердишася паче мене.]] - [[old:ps:017:19|Предвариша мя в день озлобления моего: и бысть Господь утверждение мое.]] - [[old:ps:017:20|И изведе мя на широту: избавит мя, яко восхоте мя.]] - [[old:ps:017:21|И воздаст ми Господь по правде моей, и по чистоте руку моею воздаст ми,]] - [[old:ps:017:22|яко сохраних пути Господни и не нечествовах от Бога моего.]] - [[old:ps:017:23|Яко вся судьбы Его предо мною, и оправдания Его не отступиша от мене.]] - [[old:ps:017:24|И буду непорочен с Ним и сохранюся от беззакония моего.]] - [[old:ps:017:25|И воздаст ми Господь по правде моей и по чистоте руку моею пред очима Его.]] - [[old:ps:017:26|С преподобным преподобен будеши, и с мужем неповинным неповинен будеши,]] - [[old:ps:017:27|и со избранным избран будеши, и со строптивым развратишися.]] - [[old:ps:017:28|Яко Ты люди смиренныя спасеши и очи гордых смириши.]] - [[old:ps:017:29|Яко Ты просветиши светильник мой, Господи: Боже мой, просветиши тму мою.]] - [[old:ps:017:30|Яко Тобою избавлюся от искушения, и Богом моим прейду стену.]] - [[old:ps:017:31|Бог мой, непорочен путь Его: словеса Господня разжжена. Защититель есть всех уповающих на Него.]] - [[old:ps:017:32|Яко кто Бог, разве Господа? или кто Бог, разве Бога нашего?]] - [[old:ps:017:33|Бог препоясуяй мя силою, и положи непорочен путь мой: ]] - [[old:ps:017:34|совершаяй нозе мои яко елени, и на высоких поставляяй мя:]] - [[old:ps:017:35|научаяй руце мои на брань, и положил еси лук медян мышца моя:]] - [[old:ps:017:36|и дал ми еси защищение спасения, и десница Твоя восприят мя: и наказание Твое исправит мя в конец, и наказание Твое то мя научит.]] - [[old:ps:017:37|Уширил еси стопы моя подо мною, и не изнемогосте плесне мои.]] - [[old:ps:017:38|Пожену враги моя, и постигну я, и не возвращуся, дондеже скончаются:]] - [[old:ps:017:39|оскорблю их, и не возмогут стати, падут под ногама моима.]] - [[old:ps:017:40|И препоясал мя еси силою на брань, спял еси вся востающыя на мя под мя.]] - [[old:ps:017:41|И врагов моих дал ми еси хребет и ненавидящыя мя потребил еси.]] - [[old:ps:017:42|Воззваша, и не бе спасаяй: ко Господу, и не услыша их.]] - [[old:ps:017:43|И истню я яко прах пред лицем ветра, яко брение путий поглажду я.]] - [[old:ps:017:44|Избавиши мя от пререкания людий: поставиши мя во главу языков: людие, ихже не ведех, работаша ми,]] - [[old:ps:017:45|в слух уха послушаша мя. Сынове чуждии солгаша ми,]] - [[old:ps:017:46|сынове чуждии обетшаша и охромоша от стезь своих.]] - [[old:ps:017:47|Жив Господь, и благословен Бог, и да вознесется Бог спасения моего,]] - [[old:ps:017:48|Бог даяй отмщение мне и покоривый люди под мя,]] - [[old:ps:017:49|избавитель мой от враг моих гневливых: от востающих на мя вознесеши мя, от мужа неправедна избавиши мя.]] - [[old:ps:017:50|Сего ради исповемся Тебе во языцех, Господи, и имени Твоему пою:]] - [[old:ps:017:51|величаяй спасения царева и творяй милость христу Своему Давиду и семени его до века.]]