====== Псалтирь. Псалом 20 ======
  - [[old:ps:020:01|Псалом Давиду.]] 
  - [[old:ps:020:02|Господи, силою Твоею возвеселится царь, и о спасении Твоем возрадуется зело.]]
  - [[old:ps:020:03|Желание сердца его дал еси ему, и хотения устну его неси лишил его.]]
  - [[old:ps:020:04|Яко предварил еси его благословением благостынным, положил еси на главе его венец от камене честна.]]
  - [[old:ps:020:05|Живота просил есть у Тебе, и дал еси ему долготу дний во век века.]]
  - [[old:ps:020:06|Велия слава его спасением Твоим: славу и велелепие возложиши на него.]]
  - [[old:ps:020:07|Яко даси ему благословение во век века: возвеселиши его радостию с лицем Твоим.]]
  - [[old:ps:020:08|Яко царь уповает на Господа, и милостию Вышняго не подвижится.]]
  - [[old:ps:020:09|Да обрящется рука Твоя всем врагом Твоим, десница твоя да обрящет вся ненавидящыя Тебе.]]
  - [[old:ps:020:10|Яко положиши их яко пещь огненную во время лица Твоего: Господь гневом Своим смятет я, и снесть их огнь.]]
  - [[old:ps:020:11|Плод их от земли погубиши, и семя их от сынов человеческих.]]
  - [[old:ps:020:12|Яко уклониша на Тя злая, помыслиша советы, ихже не возмогут составити.]]
  - [[old:ps:020:13|Яко положиши я хребет: во избытцех Твоих уготовиши лице их.]]
  - [[old:ps:020:14|Вознесися, Господи, силою Твоею: воспоем и поем силы Твоя.]]