====== Псалтирь. Псалом 26 ======
  - [[old:ps:026:01|Господь просвещение мое и Спаситель мой, кого убоюся? Господь Защититель живота моего, от кого устрашуся?]] 
  -  [[old:ps:026:02|Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша.]]
  -  [[old:ps:026:03|Аще ополчится на мя полк, не убоится сердце мое: аще востанет на мя брань, на Него аз уповаю.]]
  -  [[old:ps:026:04|Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм святый Его.]]
  -  [[old:ps:026:05|Яко скры мя в селении Cвоем в день зол моих, покры мя в тайне селения Cвоего, на камень вознесе мя.]]
  -  [[old:ps:026:06|И ныне се, вознесе главу мою на враги моя: обыдох и пожрох в селении Его жертву хваления и воскликновения: пою и воспою Господеви.]]
  -  [[old:ps:026:07|Услыши, Господи, глас мой, имже воззвах, помилуй мя и услыши мя.]]
  -  [[old:ps:026:08|Тебе рече сердце мое: Господа взыщу, взыска Тебе лице мое, лица Твоего, Господи, взыщу.]]
  -  [[old:ps:026:09|Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене, Боже, Спасителю мой.]]
  -  [[old:ps:026:10|Яко отец мой и мати моя остависта мя, Господь же восприят мя.]]
  -  [[old:ps:026:11|Законоположи ми, Господи, в пути Твоем, и настави мя на стезю правую враг моих ради.]]
  -  [[old:ps:026:12|Не предаждь мене в душы стужающих ми: яко восташа на мя свидетеле неправеднии, и солга неправда себе.]]
  -  [[old:ps:026:13|Верую видети благая Господня на земли живых.]]
  -  [[old:ps:026:14|Потерпи Господа, мужайся, и да крепится сердце твое, и потерпи Господа.]]