====== Псалтирь. Псалом 27 ======
  -  [[old:ps:027:01|К Тебе, Господи, воззову, Боже мой: да не премолчиши от мене: да не когда премолчиши от мене, и уподоблюся низходящым в ров.]] 
  -  [[old:ps:027:02|Услыши, Господи, глас моления моего, внегда молитимися к Тебе, внегда воздети ми руце мои ко храму святому Твоему.]]
  -  [[old:ps:027:03|Не привлецы мене со грешники, и с делающими неправду не погуби мене, глаголющими мир с ближними своими, злая же в сердцах своих.]]
  -  [[old:ps:027:04|Даждь им, Господи, по делом их и по лукавству начинаний их, по делом руку их даждь им, воздаждь воздаяние их им.]]
  -  [[old:ps:027:05|Яко не разумеша в дела Господня и в дела руку его: разориши я и не созиждеши я.]]
  -  [[old:ps:027:06|Благословен Господь, яко услыша глас моления моего.]]
  -  [[old:ps:027:07|Господь помощник мой и защититель мой: на Него упова сердце мое, и поможе ми, и процвете плоть моя: и волею моею исповемся Ему.]]
  -  [[old:ps:027:08|Господь утверждение людий Своих и защититель спасений Христа Своего есть.]]
  -  [[old:ps:027:09|спаси люди Твоя, и благослови достояние Твое, и упаси я, и возми я до века.]]