====== Псалтирь. Псалом 29 ======
  - [[old:ps:029:01|Псалом песни обновления дому Давидова.]] 
  -  [[old:ps:029:02|Вознесу Тя, Господи, яко подял мя еси, и не возвеселил еси врагов моих о мне.]]
  -  [[old:ps:029:03|Господи Боже мой, воззвах к Тебе, и изцелил мя еси. ]]
  -  [[old:ps:029:04|Господи, возвел еси от ада душу мою, спасл мя еси от низходящих в ров.]]
  -  [[old:ps:029:05|Пойте Господеви, преподобнии Его, и исповедайте память святыни Его:]] 
  -  [[old:ps:029:06|яко гнев в ярости Его, и живот в воли Его: вечер водворится плачь, и заутра радость.]]
  -  [[old:ps:029:07|Аз же рех во обилии моем: не подвижуся во век.]]
  -  [[old:ps:029:08|Господи, волею Твоею подаждь доброте моей силу: отвратил же еси лице Твое, и бых смущен.]]
  -  [[old:ps:029:09|К Тебе, Господи, воззову, и к Богу моему помолюся.]]
  -  [[old:ps:029:10|Кая польза в крови моей, внегда сходити ми во истление? еда исповестся Тебе персть? или возвестит истину Твою?]]
  -  [[old:ps:029:11|Слыша Господь и помилова мя: Господь бысть помощник мой.]]
  -  [[old:ps:029:12|Обратил еси плачь мой в радость мне, растерзал еси вретище мое и препоясал мя еси веселием,]]
  -  [[old:ps:029:13|яко да воспоет Тебе слава моя, и не умилюся. Господи Боже мой, во век исповемся Тебе.]]