====== Псалтирь. Псалом 32 ======
  - [[old:ps:032:01|Радуйтеся, праведнии, о Господе: правым подобает похвала.]] 
  -  [[old:ps:032:02|Исповедайтеся Господеви в гуслех, во псалтири десятоструннем пойте Ему:]]
  -  [[old:ps:032:03|воспойте Ему песнь нову, добре пойте Ему со восклицанием:]]
  -  [[old:ps:032:04|яко право слово Господне, и вся дела Его в вере. ]]
  -  [[old:ps:032:05|Любит милостыню и суд Господь, милости Господни исполнь земля.]]
  -  [[old:ps:032:06|Словом Господним небеса утвердишася, и духом уст Его вся сила их:]]
  -  [[old:ps:032:07|собираяй яко мех воды морския, полагаяй в сокровищих бездны.]]
  - [[old:ps:032:08|Да убоится Господа вся земля, от негоже да подвижутся вси живущии по вселенней:]]
  -  [[old:ps:032:09|яко Той рече, и быша: Той повеле, и создашася.]]
  -  [[old:ps:032:10|Господь разоряет советы языков, отметает же мысли людий и отметает советы князей.]]
  -  [[old:ps:032:11|Совет же Господень во век пребывает, помышления сердца Его в род и род.]] 
  -  [[old:ps:032:12|Блажен язык, емуже есть Господь Бог Его, людие, яже избра в наследие себе.]]
  -  [[old:ps:032:13|С небесе призре Господь, виде вся сыны человеческия: ]]
  -  [[old:ps:032:14|от готоваго жилища Своего призре на вся живущыя на земли:]]
  -  [[old:ps:032:15|создавый на едине сердца их, разумеваяй на вся дела их.]]
  -  [[old:ps:032:16|Не спасается царь многою силою, и исполин не спасется множеством крепости своея.]]
  -  [[old:ps:032:17|Ложь конь во спасение, во множестве же силы своея не спасется.]]
  -  [[old:ps:032:18|Се, очи Господни на боящыяся его, уповающыя на милость Его:]]
  -  [[old:ps:032:19|избавити от смерти душы их, и препитати я в глад. ]]
  -  [[old:ps:032:20|Душа же наша чает Господа, яко помощник и защититель наш есть:]]
  -  [[old:ps:032:21|яко о Нем возвеселится сердце наше, и во имя святое Его уповахом.]]
  -  [[old:ps:032:22|Буди, Господи, милость Твоя на нас, якоже уповахом на Тя.]]