====== Псалтирь. Псалом 33 ======
   - [[old:ps:033:01|Псалом Давиду, внегда измени лице свое пред Авимелехом: и отпусти его, и отиде.]] 
  -  [[old:ps:033:02|Благословлю Господа на всякое время, выну хвала Его во устех моих.]]
  -  [[old:ps:033:03|О Господе похвалится душа моя: да услышат кротцыи и возвеселятся.]]
  -  [[old:ps:033:04|Возвеличите Господа со мною, и вознесем имя Его вкупе.]]
  -  [[old:ps:033:05|Взысках Господа, и услыша мя и от всех скорбей моих избави мя.]]
  -  [[old:ps:033:06|Приступите к Нему и просветитеся, и лица ваша не постыдятся.]]
  -  [[old:ps:033:07|Сей нищий воззва, и Господь услыша и, и от всех скорбей Его спасе и.]]
  -  [[old:ps:033:08|Ополчится ангел Господень окрест боящихся Его и избавит их.]]
  -  [[old:ps:033:09|Вкусите и видите, яко благ Господь: блажен муж, иже уповает Нань.]]
  -  [[old:ps:033:10|Бойтеся Господа, вси святии Его, яко несть лишения боящымся Его.]]
  -  [[old:ps:033:11|Богатии обнищаша и взалкаша: взыскающии же Господа не лишатся всякаго блага.]]
  -  [[old:ps:033:12|Приидите, чада, послушайте мене, страху Господню научу вас.]]
  -  [[old:ps:033:13|Кто есть человек хотяй живот, любяй дни видети благи?]]
  -  [[old:ps:033:14|Удержи язык твой от зла и устне твои, еже не глаголати льсти.]]
  -  [[old:ps:033:15|Уклонися от зла и сотвори благо: взыщи мира и пожени и.]]
  -  [[old:ps:033:16|Очи Господни на праведныя, и уши Его в молитву их.]]
  -  [[old:ps:033:17|Лице же Господне на творящыя злая, еже потребити от земли память их.]]
  -  [[old:ps:033:18|Воззваша праведнии, и Господь услыша их и от всех скорбей их избави их.]]
  -  [[old:ps:033:19|Близ Господь сокрушенных сердцем, и смиренныя духом спасет.]]
  -  [[old:ps:033:20|Многи скорби праведным, и от всех их избавит я Господь.]]
  -  [[old:ps:033:21|Хранит Господь вся кости их, ни едина от них сокрушится.]]
  -  [[old:ps:033:22|Смерть грешников люта, и ненавидящии праведнаго прегрешат.]]
  -  [[old:ps:033:23|Избавит Господь душы раб Своих, и не прегрешат вси уповающии на Него.]]